🚨 भुसावळात पहाटे ३ वाजता पोलिसांचा धडक ‘कोंबिंग ऑपरेशन’! 🚨

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ प्रतिनिधी  | इम्रान खान : ✍️

जळगाव जिल्हा पोलीस दलाच्या मार्गदर्शनाखाली भुसावळ शहर व परिसरात आज पहाटे सुमारे ३ वाजेपासून व्यापक कोंबिंग ऑपरेशन राबविण्यात आले. या विशेष मोहिमेमुळे सराईत गुन्हेगार, संशयित व्यक्ती आणि कायदा-सुव्यवस्थेला बाधा आणणाऱ्या घटकांमध्ये मोठी खळबळ उडाली आहे.

पोलीस प्रशासनाने शहरातील विविध भाग, गुन्हेगारांची वस्ती, संशयितांची ठिकाणे, फरार आरोपींचे संभाव्य वास्तव्य तसेच संवेदनशील परिसरांमध्ये एकाच वेळी धडक कारवाई केली. या कारवाईदरम्यान अनेक व्यक्तींची पडताळणी, चौकशी आणि तपासणी करण्यात आल्याची माहिती समोर येत आहे.

👮‍♂️ वरिष्ठ अधिकाऱ्यांच्या नेतृत्वाखाली कारवाई

या विशेष कोंबिंग ऑपरेशनमध्ये अप्पर पोलीस अधीक्षक संदीप गावित, उपविभागीय पोलीस अधिकारी केदार बारबोले, प्रोबेशनरी डीवायएसपी प्रशांत दरेकर यांनी प्रत्यक्ष सहभाग घेत मोहिमेचे नेतृत्व केले.

तसेच स्थानिक गुन्हे शाखेचे पोलीस निरीक्षक राहुल गायकवाड, बाजारपेठ पोलीस स्थानकाचे पोलीस निरीक्षक राहुल वाघ, शहर पोलीस स्थानकाचे पोलीस निरीक्षक उद्धव ढमाले, भुसावळ तालुका पोलीस स्थानकाचे पोलीस निरीक्षक महेश गायकवाड, मुक्ताईनगर पोलीस स्थानकाचे पोलीस निरीक्षक आशिष अडसूळ सावदा पोलीस स्थानकाचे सहाय्यक पोलीस निरीक्षक विशाल पाटील, नशिराबाद पोलीस स्थानकाच्या सहाय्यक पोलीस निरीक्षक योगिता नारखेडे, मुक्ताईनगर पोलीस स्थानकाचे पोलीस निरीक्षक आशिष अडसूळ, बोदवड पोलीस स्थानकाचे पोलीस निरीक्षक आशिष लवंगडे निंभोरा पोलीस स्थानकाचे सहाय्यक पोलीस निरीक्षक मीरा देशमुख तसेच वरणगाव पोलीस स्थानकाचे सहाय्यक पोलीस निरीक्षक अमित बागुल यांच्यासह मोठा पोलीस फौजफाटा सहभागी झाला होता.

🔍 गुन्हेगारांवर पोलिसांची करडी नजर

या मोहिमेअंतर्गत रेकॉर्डवरील गुन्हेगार, फरार आरोपी, प्रतिबंधक कारवाईस पात्र व्यक्ती, अवैध धंदे करणारे आणि संशयित हालचाली करणाऱ्या व्यक्तींवर विशेष लक्ष केंद्रित करण्यात आले.

पोलीस प्रशासनाकडून गुन्हेगारी प्रवृत्तीवर नियंत्रण ठेवण्यासाठी आणि नागरिकांमध्ये सुरक्षिततेची भावना निर्माण करण्यासाठी अशा प्रकारच्या मोहिमा सातत्याने राबविण्यात येत असल्याचे सांगण्यात आले.

⚡ शहरात चर्चेचा विषय

पहाटेच्या वेळी अचानक मोठ्या प्रमाणावर पोलीस बंदोबस्त आणि तपासणी मोहीम सुरू झाल्याने नागरिकांमध्येही या कारवाईची चर्चा रंगली होती. जिल्हा पोलीस दलाच्या या धडक मोहिमेमुळे गुन्हेगारी प्रवृत्तीच्या व्यक्तींमध्ये धास्ती निर्माण झाल्याचे चित्र पाहायला मिळाले.