🚨 भुसावळ बाजारपेठ पोलीस स्टेशनमधील PSI वर भ्रष्टाचाराची कारवाई; २० हजारांच्या लाचप्रकरणी गुन्हा दाखल. 📢 नागरिकांना ACB चे आवाहन 📞 टोल फ्री क्रमांक: १०६४📱 व्हॉट्सअॅप हेल्पलाईन: ७५८८६६१०६४🌐 संकेतस्थळ: acbmaharastra.gov.in

🔥 अटक न करण्यासाठी मागितली होती ३० हजारांची लाच; तडजोडीनंतर २० हजारांवर सौदा

36

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ प्रतिनिधी | हबीब चव्हाण : ✍️

भुसावळ शहरातील बाजारपेठ पोलीस स्टेशनमध्ये कार्यरत असलेल्या एका पोलीस उपनिरीक्षकाविरुद्ध लाचलुचपत प्रतिबंधक विभागाने (ACB) मोठी कारवाई करत भ्रष्टाचाराचा गंभीर गुन्हा दाखल केला आहे. या प्रकरणामुळे संपूर्ण पोलीस विभागात एकच खळबळ उडाली असून, नागरिकांमध्येही संताप व्यक्त केला जात आहे.

लाचलुचपत प्रतिबंधक विभाग, जळगाव यांनी दिलेल्या माहितीनुसार, राजु सांगळे, पोलीस उपनिरीक्षक, बाजारपेठ पोलीस स्टेशन, भुसावळ तसेच सलिम हाकीम कुरेशी (रा. बोदवड) या खाजगी इसमाविरुद्ध भ्रष्टाचार प्रतिबंधक कायद्यानुसार गुन्हा दाखल करण्यात आला आहे.

⚖️ नेमकं प्रकरण काय?

तक्रारदार व त्यांच्या मित्राचा एका व्यक्तीसोबत २८ मार्च २०२६ रोजी खडका चौफुली परिसरात पैशांच्या व्यवहारावरून किरकोळ वाद आणि मारामारी झाली होती. त्यानंतर संबंधित व्यक्तीने भुसावळ बाजारपेठ पोलीस स्टेशनमध्ये तक्रार दाखल केली होती.

या गुन्ह्यात अटक टाळण्यासाठी तक्रारदारांकडून सुरुवातीला ३० हजार रुपयांची लाच मागण्यात आली. ही मागणी तक्रारदारांच्या पत्नीमार्फत करण्यात आल्याचे समोर आले आहे. यानंतर तक्रारदारांनी थेट ACB कार्यालय, जळगाव येथे धाव घेत तक्रार नोंदवली.

🎯 पंचासमक्ष पडताळणीत धक्कादायक खुलासा

दि. ७ एप्रिल २०२६ रोजी ACB ने पंचासमक्ष पडताळणी केली असता, आरोपी सलिम कुरेशी याने “अटक न करता केवळ चॅप्टर केस करून सोडण्यासाठी” PSI राजु सांगळे यांच्यासाठी ३० हजार रुपयांची मागणी केल्याचे स्पष्ट झाले.

यानंतर PSI सांगळे यांची भेट घेतली असता, त्यांनीही तक्रारदाराकडून तडजोडीअंती २० हजार रुपये स्वीकारण्यास संमती दर्शवून लाच मिळवण्याचा प्रयत्न केल्याचे तपासात निष्पन्न झाले.

🚔 ACB कडून गुन्हा दाखल

या प्रकरणी भुसावळ बाजारपेठ पोलीस स्टेशन येथे गुन्हा क्रमांक २८०/२०२६ दाखल करण्यात आला असून आरोपींवर भ्रष्टाचार प्रतिबंध अधिनियम १९८८ चे कलम ७ व ७(अ) अंतर्गत कारवाई करण्यात आली आहे.

👮‍♂️ ACB पथकाची कारवाई

ही कारवाई पोलीस उपअधीक्षक योगेश ठाकूर यांच्या मार्गदर्शनाखाली करण्यात आली.
सापळा अधिकारी म्हणून पोलीस निरीक्षक स्मिता नवघरे यांनी भूमिका बजावली तर तपासाची जबाबदारी पोलीस निरीक्षक हेमंत नागरे यांच्याकडे सोपविण्यात आली आहे.

📢 नागरिकांना ACB चे आवाहन

“कोणताही शासकीय अधिकारी किंवा कर्मचारी लाच मागत असल्यास नागरिकांनी न घाबरता तात्काळ लाचलुचपत प्रतिबंधक विभागाशी संपर्क साधावा,” असे आवाहन ACB जळगाव विभागातर्फे करण्यात आले आहे.

📞 टोल फ्री क्रमांक: १०६४
📱 व्हॉट्सअॅप हेल्पलाईन: ७५८८६६१०६४
🌐 संकेतस्थळ: acbmaharastra.gov.in

🚨💧 पाणीटंचाईने संतप्त ग्रामस्थांचा हंडा मोर्चा! 🔥 “गावाबाहेर पाणी जाते, पण आम्हाला का नाही?”

🛑🔥 ऑर्डनन्स फॅक्टरी वसाहतीत जीवघेणा गॅस रॅकेट? 🚨 अवैध एलपीजी गॅस रिफिलिंगप्रकरणी पोलिसांवर संरक्षणाचे गंभीर आरोप

⚖️ नेमकं प्रकरण काय?

🎯 पंचासमक्ष पडताळणीत धक्कादायक खुलासा

🚔 ACB कडून गुन्हा दाखल

👮‍♂️ ACB पथकाची कारवाई

📢 नागरिकांना ACB चे आवाहन

🚨 भुसावळात पहाटे ३ वाजता पोलिसांचा धडक ‘कोंबिंग ऑपरेशन’! 🚨

🚨 भुसावळातील 16 लाखांच्या घरफोडीचा 12 तासांत छडा!

🚨 भुसावळ RPF ची धडाकेबाज कारवाई! ‘मंगला एक्सप्रेस’मधून १८ लाखांचे चोरीचे मोबाईल जप्त; ४ आरोपी जेरबंद 📱🚔

Most Popular

🚨 भुसावळात पहाटे ३ वाजता पोलिसांचा धडक ‘कोंबिंग ऑपरेशन’! 🚨

🌪️🍌 रावेर तालुक्यावर दुहेरी संकट! ⚠️ सलग दुसऱ्यांदा वादळी पावसाचा तडाखा; शेकडो एकर केळी पीक जमीनदोस्त

🚨 भुसावळातील 16 लाखांच्या घरफोडीचा 12 तासांत छडा!

About

Latest Post

🚨 भुसावळात पहाटे ३ वाजता पोलिसांचा धडक ‘कोंबिंग ऑपरेशन’! 🚨

🌪️🍌 रावेर तालुक्यावर दुहेरी संकट! ⚠️ सलग दुसऱ्यांदा वादळी पावसाचा तडाखा; शेकडो एकर...

🚨 भुसावळातील 16 लाखांच्या घरफोडीचा 12 तासांत छडा!