🚨 भुसावळातील 16 लाखांच्या घरफोडीचा 12 तासांत छडा!

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका | प्रतिनिधी : इम्रान खान

भुसावळ शहरात घडलेल्या तब्बल 16 लाख 34 हजार रुपयांच्या घरफोडी प्रकरणाचा अवघ्या 12 तासांत छडा लावत स्थानिक गुन्हे शाखा, जळगाव पोलिसांनी परराज्यातील तीन आरोपींना नागपूर येथून जेरबंद केले आहे. या कारवाईमुळे जिल्हा पोलिस दलाचे सर्वत्र कौतुक होत आहे.

भुसावळ बाजारपेठ पोलीस स्टेशन येथे CCTNS NO-287/2026 अंतर्गत BNS कलम 305(अ), 331(1), 331(3) प्रमाणे गुन्हा दाखल करण्यात आला होता.

👮 मुख्याध्यापकांच्या घरावर डल्ला

फिर्यादी सुरेश नारायण शिंदे (वय 55), व्यवसाय मुख्याध्यापक, रा. म्हाडा कॉलनी, वांजोळा रोड, भुसावळ हे दिनांक 31 मे 2026 रोजी सकाळी घर बंद करून कामानिमित्त बाहेर गेले होते. याच संधीचा फायदा घेत आरोपींनी घराच्या कंपाउंडचे कुलूप तोडून घरात प्रवेश केला.

यानंतर घरातील कपाट फोडून सोन्या-चांदीचे दागिने आणि रोख रक्कम असा एकूण 16 लाख 34 हजार रुपयांचा ऐवज चोरून नेण्यात आला.

🔍 CCTV आणि मोबाईल लोकेशनवरून आरोपींचा शोध

पोलीस अधीक्षक श्रीकांत धिवरे यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक राहुल गायकवाड यांच्या नेतृत्वाखाली तपास सुरू करण्यात आला.

तपासादरम्यान पोलिसांनी घटनास्थळ परिसरातील CCTV फुटेज तपासले. तसेच आरोपी भुसावळ रेल्वे स्टेशन परिसरातील बालाजी लॉजमध्ये वास्तव्यास असल्याची माहिती समोर आली. त्यावरून आरोपींची ओळख आणि पत्ते शोधण्यात पोलिसांना यश आले.

📱 मोबाईल लोकेशन थेट नागपुरात

मुख्य आरोपी राजू जसपालसिंग याचे मोबाईल लोकेशन नागपूर येथे आढळून आले. आरोपी परराज्यातील असल्याने ते पसार होण्याची शक्यता लक्षात घेऊन स्थानिक गुन्हे शाखेच्या पथकाने तातडीने नागपूर गाठले.

घरफोडी पथक युनिट-03 नागपूर यांच्या मदतीने पोलिसांनी आरोपींना मुद्देमालासह ताब्यात घेत मोठी कारवाई केली.

👥 अटक आरोपींची नावे

1️⃣ राजू जसपालसिंग (वय 42)
रा. वशिष्ठ कॉलनी, मोहननगर, थानेसर, कुरुक्षेत्र, हरियाणा

2️⃣ भोला उर्फ बिरेदर सुखदेव पासवान (वय 40)
रा. बहादुर मेध छपडा, मुशहरी बलोध, बिहार

3️⃣ राजेश पारस शहा (वय 52)
रा. सिमरहीया, मडोरा, छपरा, बिहार

💰 जप्त मुद्देमाल

✔️ सोन्या-चांदीचे दागिने
✔️ रोख रक्कम
✔️ एकूण किंमत : ₹16,34,000

👏 या पथकाने बजावली महत्त्वाची भूमिका

या कारवाईत वरिष्ठ पोलीस निरीक्षक राहुल गायकवाड, पोउपनिरीक्षक शरद बागल, पोहेकॉ गोपाल गव्हाळे, उमाकांत पाटील, विकास सातदिवे, प्रशांत परदेशी, राहुल वानखेडे आदी अधिकाऱ्यांनी महत्त्वाची भूमिका बजावली.

सदर आरोपींना पुढील तपासासाठी भुसावळ बाजारपेठ पोलीस स्टेशनच्या ताब्यात देण्यात आले असून तपास पोहेकॉ विजय नेरकर करीत आहेत.

🚔 जळगाव पोलिसांची धडाकेबाज कामगिरी पुन्हा चर्चेत!