🚨 मोठा वाघोदा येथे नालासफाईदरम्यान पोकलैंड थेट नाल्यात बुडाली; बाहेर काढण्यासाठी शर्थीचे प्रयत्न सुरू! 😱🚜

SARDAR NETWORK 24×7 – DAINIK LATEST NEWS (सच आपकी जुबानी) 📍सावदा प्रतिनिधी | मुबारक तडवी

रावेर तालुक्यातील मोठा वाघोदा बुद्रुक येथे नालासफाईच्या कामादरम्यान एक धक्कादायक घटना समोर आली आहे. निंभोरा रस्त्यालगत असलेल्या लेंडी नाल्यात गाळ काढण्याचे काम सुरू असताना अचानक पोकलैंड मशीनच चिखल व पाण्यात खोलवर बुडाल्याने परिसरात एकच खळबळ उडाली. 🚜🌊

मिळालेल्या माहितीनुसार, मान्सूनपूर्व नालासफाईचे काम सुरू असताना मशीन चालकाचा अंदाज चुकल्याने पोकलैंड मशीन नाल्यातील खोल गाळात अडकली आणि काही क्षणातच मोठ्या प्रमाणात पाण्यात व चिखलात रुतून बसली. ही घटना पाहण्यासाठी परिसरातील नागरिकांनी मोठी गर्दी केली होती. 👀

घटनेनंतर पोकलैंड बाहेर काढण्यासाठी जेसीबी तसेच क्रेन मशीन तातडीने घटनास्थळी बोलावण्यात आली. मात्र अनेक तास प्रयत्न करूनही मशीन बाहेर काढण्यात यश आले नसल्याचे समोर आले आहे. त्यामुळे आता आणखी मोठी क्रेन मागविण्यात आल्याची माहिती स्थानिकांकडून मिळत आहे. 🏗️

दरम्यान, सर्वात मोठा प्रश्न म्हणजे ही नालासफाई नेमकी कोणत्या विभागामार्फत सुरू होती? याबाबत अद्याप कोणतीही अधिकृत माहिती समोर आलेली नाही. ग्रामपंचायत, पाटबंधारे विभाग, महसूल विभाग किंवा इतर कोणत्या शासकीय यंत्रणेमार्फत हे काम सुरू होते, याबाबत स्पष्टता नसल्याने नागरिकांमध्ये विविध तर्कवितर्कांना उधाण आले आहे. 🤔

स्थानिक नागरिकांकडून असा सवाल उपस्थित केला जात आहे की, मान्सूनपूर्व कामे सुरू असताना आवश्यक सुरक्षितता, तांत्रिक पाहणी व नियोजन करण्यात आले होते का? तसेच संबंधित विभागाने अधिकृत परवानगी घेतली होती का? याबाबतही चर्चा रंगू लागल्या आहेत. ⚠️

सध्या नाल्यात अडकलेल्या पोकलैंड मशीनला बाहेर काढण्यासाठी युद्धपातळीवर प्रयत्न सुरू असून, या संपूर्ण घटनेकडे परिसरातील नागरिकांचे लक्ष लागून आहे. 🚨