🚨💧 पाणीटंचाईने संतप्त ग्रामस्थांचा हंडा मोर्चा! 🔥 “गावाबाहेर पाणी जाते, पण आम्हाला का नाही?”

SARDAR NETWORK 24×7 – DAINIK LATEST NEWS (सच आपकी जुबानी) 📍 यावल | प्रतिनिधी : शब्बीर खान

यावल तालुक्यातील हिंगोणा गावातील वार्ड क्रमांक ३ मध्ये गेल्या अनेक दिवसांपासून कमी दाबाने व अत्यंत अनियमित पाणीपुरवठा होत असल्याने ग्रामस्थांमध्ये तीव्र संताप व्यक्त केला जात आहे. पंधरा दिवसाआड पाणीपुरवठा होत असून येणारे पाणी गढूळ असल्यामुळे नागरिकांच्या आरोग्याचा गंभीर प्रश्न निर्माण झाला आहे. 🚰⚠️

गावात मुबलक पाणी उपलब्ध असताना हिंगोणा गावातून बाहेरील भागात नियमित पाणीपुरवठा केला जातो, मात्र स्वतः गावातील वार्ड क्रमांक ३ मधील नागरिकांना वेळेवर व पुरेसे पाणी मिळत नसल्याने ग्रामस्थांनी संतप्त प्रतिक्रिया व्यक्त केली आहे. “बाहेरगावी पाणी वेळेवर मिळते, मग आम्हाला का नाही?” असा सवाल ग्रामस्थांकडून उपस्थित केला जात आहे. 😡💦

ग्रामस्थांनी यापूर्वी अनेक वेळा ग्रामपंचायतीकडे तक्रारी व मागण्या करूनही कोणतीही ठोस दखल घेण्यात आलेली नसल्याचा आरोप करण्यात आला आहे. ग्रामपंचायतीच्या या दुर्लक्षामुळे संतप्त झालेल्या वार्ड क्रमांक ३ मधील पुरुष, महिला व लहान मुलांनी आज दिनांक २९ रोजी थेट ग्रामपंचायतीवर हंडा मोर्चा काढला. 🥁🚶‍♀️🚶‍♂️

हातात रिकामे हंडे घेऊन वाजत-गाजत काढण्यात आलेल्या या मोर्चामुळे ग्रामपंचायत परिसरात मोठी खळबळ उडाली. महिलांनी जोरदार घोषणाबाजी करत प्रशासनाचा निषेध व्यक्त केला. मात्र ग्रामस्थ ग्रामपंचायतीत पोहोचले असता ग्रामसेवक अनुपस्थित असल्याने नागरिकांचा संताप आणखी वाढला. 🏛️🔥

यावेळी ग्रामस्थांनी इशारा देत सांगितले की, “जर आम्हाला दोन दिवसाआड मुबलक व स्वच्छ पाणीपुरवठा करण्यात आला नाही, तर आम्ही सर्व ग्रामस्थ व महिलावर्ग जिल्हाधिकारी कार्यालयासमोर उपोषणाला बसू.” ⚠️✊

दरम्यान, या आंदोलनामुळे हिंगोणा गावातील पाणीपुरवठ्याचा प्रश्न पुन्हा एकदा ऐरणीवर आला असून प्रशासन यावर काय निर्णय घेते याकडे सर्वांचे लक्ष लागले आहे.