🗳️🔥 यावल तालुक्यात ग्रामपंचायत निवडणुकांचे बिगुल; ४७ ग्रामपंचायतींचे आरक्षण जाहीर, हिंगोणेत ६ वर्षीय चिमुकलीच्या हस्ते सोडत! 👧📋

SARDAR NETWORK 24×7 – DAINIK LATEST NEWS (सच आपकी जुबानी) 📍 यावल तालुका | प्रतिनिधी : शब्बीर खान

यावल तालुक्यातील मुदत संपलेल्या ४७ ग्रामपंचायतींच्या सार्वत्रिक निवडणुकांच्या पार्श्वभूमीवर प्रशासनाने निवडणूक प्रक्रियेला वेग दिला असून वॉर्ड रचनेची कार्यवाही पूर्ण झाल्यानंतर शुक्रवारी सर्व ४७ ग्रामपंचायतींच्या वॉर्डनिहाय सदस्य आरक्षणाची सोडत काढण्यात आली. आरक्षण जाहीर होताच ग्रामीण भागातील राजकीय वातावरण तापू लागले असून इच्छुक उमेदवारांनी मोर्चेबांधणी सुरू केली आहे.

तालुक्यातील सर्व ग्रामपंचायतींमध्ये आरक्षण सोडतीसाठी विशेष ग्रामसभांचे आयोजन करण्यात आले होते. या ग्रामसभांना इच्छुक उमेदवार, माजी पदाधिकारी तसेच ग्रामस्थांची मोठी उपस्थिती लाभली.

👧 हिंगोणे येथे ६ वर्षीय चिमुकलीच्या हस्ते आरक्षण सोडत

हिंगोणे (ता. यावल) ग्रामपंचायतीच्या वॉर्डनिहाय आरक्षण सोडतीचा कार्यक्रम विशेष आकर्षणाचा ठरला. येथील ६ वर्षीय जुनेरा शब्बीरखान हिच्या हस्ते आरक्षण सोडत काढण्यात आली. यावेळी ग्राम महसूल अधिकारी, ग्रामविकास अधिकारी, प्रशासक, माजी सरपंच, माजी सदस्य तसेच मोठ्या संख्येने ग्रामस्थ उपस्थित होते.

🏛️ बदलणार गावातील राजकीय समीकरणे

नवीन आरक्षण जाहीर झाल्यामुळे अनेक प्रभागांमधील जुनी राजकीय समीकरणे बदलण्याची शक्यता निर्माण झाली आहे. काही ठिकाणी विद्यमान इच्छुकांचे राजकीय गणित बिघडले असून नव्या चेहऱ्यांना संधी मिळण्याचे चित्र दिसत आहे.

📌 हिंगोणे ग्रामपंचायत वॉर्डनिहाय आरक्षण

🔹 वॉर्ड क्रमांक १

▪️ अनुसूचित जाती – पुरुष
▪️ अनुसूचित जमाती – महिला
▪️ सर्वसाधारण – पुरुष

🔹 वॉर्ड क्रमांक २

▪️ अनुसूचित जमाती – पुरुष
▪️ सर्वसाधारण – महिला
▪️ सर्वसाधारण – पुरुष

🔹 वॉर्ड क्रमांक ३

▪️ अनुसूचित जमाती – महिला
▪️ सर्वसाधारण – महिला
▪️ सर्वसाधारण – पुरुष

🔹 वॉर्ड क्रमांक ४

▪️ नामाप्र (नागरिकांचा मागास प्रवर्ग) – महिला
▪️ सर्वसाधारण – महिला
▪️ सर्वसाधारण – पुरुष

🔹 वॉर्ड क्रमांक ५

▪️ अनुसूचित जमाती – पुरुष
▪️ अनुसूचित जाती – महिला
▪️ सर्वसाधारण – महिला

🗳️ निवडणूक रणधुमाळीला सुरुवात

आरक्षण जाहीर झाल्यानंतर आता गावपातळीवरील राजकीय घडामोडींना वेग आला असून इच्छुक उमेदवारांनी मतदारांशी संपर्क वाढवण्यास सुरुवात केली आहे. आगामी ग्रामपंचायत निवडणुकांमध्ये कोण बाजी मारणार याकडे संपूर्ण तालुक्याचे लक्ष लागले आहे.

🔥 यावल तालुक्यातील ग्रामपंचायत निवडणुकांची रंगत दिवसेंदिवस वाढत असून आरक्षणानंतर ग्रामीण राजकारणात नव्या समीकरणांची चर्चा जोर धरू लागली आहे.