🚨⛏️ अमळनेरमध्ये महसूल विभागाची मोठी धडक कारवाई! 🔥 सावखेडा वाळू घाटावर प्रशासनाचा बुलडोझर

SARDAR NETWORK 24×7 – DAINIK LATEST NEWS (सच आपकी जुबानी) 📍 अमळनेर | प्रतिनिधी : मुन्ना शेख

अमळनेर तालुक्यातील सावखेडा येथील तापी नदी पात्रातील वाळू घाटावर शासनाच्या अटी व शर्तींचा भंग करून सुरू असलेल्या बेकायदेशीर वाळू उपशावर महसूल विभाग आणि पोलिसांनी संयुक्त धडक कारवाई करत मोठा दणका दिला आहे. या कारवाईत १२ बोटी, १० पोकलेन मशिन, ६ डंपर आणि ४८ ब्रास वाळू जप्त करण्यात आली असून संबंधित ठेकेदाराला तब्बल १ कोटी ७४ लाख ४९ हजार ३४४ रुपयांची कारणे दाखवा नोटीस बजावण्यात आली आहे. 🚨या कारवाईमुळे अमळनेर तालुक्यातील सर्व वाळू ठेके काही काळासाठी पूर्णपणे बंद पडल्याचे चित्र दिसून आले. एरवी रस्त्यांवर वेगाने धावणारे डंपर विविध ठिकाणी थांबलेले दिसले तर काही मालकांनी आपली वाहने घरीच उभी करून ठेवली होती. 🚛⛔मिळालेल्या माहितीनुसार, सावखेडा येथील गट क्रमांक २३९, २५१, २५२, ३ आणि ५ लगतच्या तापी नदी पात्रातील वाळू ठेका शीतल एंटरप्रायझेस यांना देण्यात आला होता. मात्र शासनाने निश्चित केलेल्या अटी-शर्तींचा भंग करून बोटी व पोकलेन मशिनच्या सहाय्याने सर्रास वाळू उपसा सुरू असल्याची तक्रार धावडे येथील सरपंच अॅड. उमाकांत पाटील यांनी प्रशासनाकडे केली होती. ⚖️या तक्रारीची गंभीर दखल घेत जिल्हाधिकारी रोहन घुघे यांच्या आदेशानुसार तहसीलदार रुपेशकुमार सुराणा यांनी मोठे संयुक्त पथक तयार केले. या पथकात उपविभागीय अधिकारी मयूर भंगाळे, चोपडा येथील पोलीस उपअधीक्षक आणासाहेब घोलप, पोलीस निरीक्षक दत्तात्रय निकम, मंडळाधिकारी कल्याणी पाटील, प्रभारी पुरवठा निरीक्षक सचिन निकम यांच्यासह २० महसूल कर्मचारी आणि २० पोलीस कर्मचारी सहभागी होते. 👮‍♂️📋पथकाने सावखेडा येथील नदी पात्रावर छापा टाकला असता बेकायदेशीररीत्या १२ बोटी आणि १० पोकलेन मशिनच्या सहाय्याने मोठ्या प्रमाणावर वाळू उपसा सुरू असल्याचे आढळून आले. घाटावर ६ डंपर सज्ज अवस्थेत उभे होते. याशिवाय घटनास्थळी डिझेलचे १० कॅन देखील आढळून आले. ⛽⛏️महसूल विभागाने महाराष्ट्र जमीन महसूल अधिनियम १९६६ च्या कलम ४८ तसेच संबंधित शासन निर्णयांनुसार सर्व मशिनरी जप्त करून मोठा दंड प्रस्तावित केला आहे. मशिनरीवर १ कोटी ४७ लाख रुपयांचा दंड, जळगाव जिल्हा खनिज प्रतिष्ठानचा १० टक्के हिस्सा म्हणून १४ लाख ७० हजार रुपये आणि ४८ ब्रास वाळूवरील १२ लाख ७९ हजार ३४४ रुपयांचा दंड असा एकूण १ कोटी ७४ लाख ४९ हजार ३४४ रुपयांचा दंड ठोठावण्यात आला आहे. 💰⚠️तहसीलदार रुपेशकुमार सुराणा यांनी संबंधित ठेकेदाराला २४ तासांच्या आत खुलासा सादर करण्याचे आदेश दिले असून मुदतीत उत्तर प्राप्त न झाल्यास नियमानुसार शास्तीची रक्कम वसूल करण्यात येईल, असे नोटीसमध्ये स्पष्ट करण्यात आले आहे. 📄दरम्यान, प्रशासनाच्या या धडक कारवाईमुळे अमळनेर तालुक्यातील पाचही वाळू ठेक्यांवरील वाहतूक पूर्णपणे ठप्प झाली होती. काही ठिकाणी डंपर हॉटेल, पेट्रोलपंप आणि रस्त्यांच्या कडेला उभे असल्याचे चित्र दिसून आले. विशेष म्हणजे काही ठेक्यांवरील वाळू वाहतुकीची क्षमता संपल्याचीही माहिती समोर येत आहे. 🔥🚔