🚨 शासनाच्या भंगार गाड्यांचा तात्काळ लिलाव करा; कोट्यवधींचा महसूल वाचवा! – केदारनाथ सानप यांची जिल्हाधिकाऱ्यांकडे मागणी

SARDAR NETWORK 24×7 – DAINIK LATEST NEWS (सच आपकी जुबानी) 📍 जिल्हा प्रतिनिधी |

महाराष्ट्र शासनाच्या विविध विभागांमध्ये कालबाह्य झालेल्या आणि अनेक वर्षांपासून निष्क्रिय अवस्थेत पडून असलेल्या शासकीय वाहनांचा तात्काळ लिलाव करण्यात यावा, अशी मागणी सामाजिक तथा माहिती अधिकार कार्यकर्ते केदारनाथ सानप यांनी जिल्हाधिकारी रोहन घुगे यांची प्रत्यक्ष भेट घेऊन निवेदनाद्वारे केली आहे.

सानप यांनी दिलेल्या निवेदनात नमूद केले आहे की, शासनाच्या अनेक जुन्या गाड्या विविध कार्यालयांच्या परिसरात वर्षानुवर्षे उभ्या असून त्यांची मुदत संपलेली आहे. या वाहनांचा कोणताही उपयोग होत नसल्याने ती दिवसेंदिवस गंजून खराब होत आहेत. विशेषतः आता पावसाळा सुरू झाल्याने या वाहनांचे आणखी मोठे नुकसान होण्याची शक्यता असून त्यामुळे शासनालाही आर्थिक तोटा सहन करावा लागू शकतो.

🚘 शासनाच्या तिजोरीत भर पडू शकते

या निष्क्रिय वाहनांचा वेळेत लिलाव केल्यास शासनाच्या तिजोरीत लाखो रुपयांचा महसूल जमा होऊ शकतो. मात्र, लिलावास विलंब झाल्यास वाहनांची किंमत आणखी कमी होऊन शासनाचे नुकसान होईल, असेही सानप यांनी निवेदनात स्पष्ट केले आहे.

📄 जिल्हाधिकाऱ्यांना निवेदन सादर

यासंदर्भात केदारनाथ सानप यांनी जिल्हाधिकारी रोहन घुगे यांची प्रत्यक्ष भेट घेऊन तातडीने कार्यवाही करण्याची मागणी केली. तसेच या निवेदनावर करण्यात येणाऱ्या कार्यवाहीची प्रत माहितीस्तव उपलब्ध करून द्यावी, अशी विनंतीही त्यांनी केली आहे.

⚠️ तातडीच्या निर्णयाची अपेक्षा

पावसाळ्यामुळे वाहनांचे अधिक नुकसान होण्यापूर्वीच संबंधित विभागांनी निष्क्रिय शासकीय वाहनांची यादी तयार करून त्यांचा तात्काळ लिलाव करावा, अशी अपेक्षा व्यक्त केली जात असून या मागणीकडे प्रशासन काय भूमिका घेते, याकडे सर्वांचे लक्ष लागले आहे.