🚨 भुसावळ तालुक्यातील सकेगाव ग्रामपंचायतीचा धक्कादायक कारभार उघड!

SARDAR NETWORK 24×7 – DAINIK LATEST NEWS (सच आपकी जुबानी)  📍भुसावळ प्रतिनिधी  | इम्रान खान

साकेगाव येथील ग्रामपंचायत प्रशासनाचा अत्यंत बेजबाबदार आणि संतापजनक कारभार गुरुवार दिनांक 14 मे 2026 रोजी समोर आला असून, शासकीय कार्यालयातील हलगर्जीपणाचा हा प्रकार सध्या परिसरात चर्चेचा विषय ठरत आहे. कार्यालयीन वेळ सुरू असतानाही ग्रामपंचायत कार्यालयात पूर्णपणे शुकशुकाट पाहायला मिळाला. विशेष म्हणजे, नागरिक कामासाठी येत असताना सेवा देण्याऐवजी कार्यालयात उपस्थित असलेला कर्मचारी की अनधिकृत व्यक्ती चक्क सोफ्यावर झोपलेला आढळून आल्याने ग्रामस्थांमध्ये संताप व्यक्त केला जात आहे.

मिळालेल्या माहितीनुसार, सकाळी सुमारे साडेअकरा वाजेच्या दरम्यान काही नागरिक आणि प्रतिनिधी महत्त्वाच्या कामानिमित्त ग्रामपंचायत कार्यालयात गेले होते. शासकीय वेळ सुरू असल्याने कार्यालयात ग्रामसेवक, कर्मचारी व संबंधित अधिकारी उपस्थित असणे अपेक्षित होते. मात्र कार्यालयात प्रवेश करताच संपूर्ण परिसर ओस पडलेला दिसून आला.

🏢 कार्यालयात अधिकारी गायब; कर्मचारी झोपेत!

कार्यालयाची पाहणी केली असता, एका सोफ्यावर एक व्यक्ती निर्धास्तपणे झोपलेला दिसून आला. तो कर्मचारी होता की अनधिकृत व्यक्ती, याबाबत स्पष्ट माहिती मिळू शकली नाही. तर दुसऱ्या बाजूला घंटागाडीवरील क्लीनर बसलेला आढळून आला. संबंधित क्लीनर आपली ड्युटी संपल्यामुळे विश्रांती घेत असल्याचे सांगितले. मात्र, कार्यालयीन कामकाजाच्या वेळेत अशी परिस्थिती निर्माण होणे हे प्रशासनाच्या गंभीर निष्काळजीपणाचे उदाहरण असल्याची चर्चा नागरिकांमध्ये सुरू आहे.

जेव्हा उपस्थित व्यक्तींना या प्रकाराबाबत विचारणा करण्यात आली, तेव्हा समाधानकारक उत्तर देण्याऐवजी चालढकल करण्यात आल्याचेही समोर आले आहे.

😡 “जनतेच्या पैशांवर सुस्ती?” – ग्रामस्थांचा संताप

ग्रामीण भागातील सर्वसामान्य नागरिकांना दाखले, कर आकारणी, पाणीपट्टी, विविध प्रमाणपत्रे तसेच इतर शासकीय कामांसाठी ग्रामपंचायतीच्या वारंवार चकरा माराव्या लागतात. अनेकदा नागरिक उन्हात ताटकळत उभे राहत असताना, दुसरीकडे जनतेच्या करातून पगार घेणारे कर्मचारी मात्र कार्यालयाला जणू “विश्रामगृह” बनवत असल्याचा आरोप ग्रामस्थांकडून करण्यात येत आहे.

📲 व्हिडिओ व्हायरल; कारवाईची जोरदार मागणी

या संपूर्ण प्रकाराचा व्हिडिओ सध्या सोशल मीडियावर वेगाने व्हायरल होत असून, ग्रामपंचायत प्रशासनाविरोधात नागरिकांमध्ये तीव्र नाराजी व्यक्त केली जात आहे. संबंधित बेजबाबदार कर्मचाऱ्यांवर, अनुपस्थित अधिकाऱ्यांवर आणि कामकाजाकडे दुर्लक्ष करणाऱ्या ग्रामसेवकांवर वरिष्ठ अधिकाऱ्यांनी तात्काळ चौकशी करून कठोर कारवाई करावी, अशी मागणी आता जोर धरू लागली आहे.

⚠️ “ग्रामपंचायत कार्यालय आहे की विश्रांतीगृह?”

साकेगाव ग्रामपंचायतीतील हा प्रकार ग्रामीण प्रशासनाच्या कामकाजावर गंभीर प्रश्नचिन्ह उपस्थित करणारा ठरत असून, यापुढे तरी नागरिकांना वेळेवर सेवा मिळणार का? असा सवाल आता ग्रामस्थांकडून उपस्थित केला जात आहे.