🚨 पहाटेच्या अंधारात राष्ट्रवादी नेत्या रिता बाविस्कर यांच्या कारवर हल्ला; ‘गोरक्षक’ असल्याचा दावा करत केली तोडफोड

SARDAR NETWORK 24×7 – DAINIK LATEST NEWS (सच आपकी जुबानी)  📍 🟢 अमळनेर | प्रतिनिधी ( मुन्ना शेख )

अमळनेर येथील राष्ट्रवादी काँग्रेस अजित पवार गटाच्या नेत्या तथा महाराष्ट्र शासन ग्रंथालय राज्य नियोजन समिती, उच्च व तंत्र शिक्षण विभाग मंत्रालय मुंबई यांच्या सदस्या रिता भुपेंद्र बाविस्कर यांच्यावर पहाटेच्या सुमारास जीवघेणा हल्ला झाल्याची धक्कादायक घटना समोर आली आहे. धुळे तालुक्यातील वणी गावाजवळ त्यांच्या कारसमोर लोखंडी खिळ्यांचा रॉड टाकून वाहन पंक्चर करण्यात आले तसेच कारची तोडफोड करून हल्ला करण्यात आल्याने परिसरात मोठी खळबळ उडाली आहे.

🔴 मिळालेल्या माहितीनुसार, रिता बाविस्कर या आपल्या भावासोबत सोमवार (१२ तारखेला) पहाटे सुमारे ३ वाजेच्या दरम्यान अमळनेर येथून मुंबईकडे चारचाकी वाहन क्रमांक MH 54 B 4300 ने रवाना झाल्या होत्या. दरम्यान गावाबाहेर मंगरूळ परिसरातून एक कार आणि मोटरसायकलवरून काही संशयितांनी त्यांच्या वाहनाचा पाठलाग सुरू केला.

🟠 सुमारे सव्वा तीन वाजेच्या सुमारास वणी गावाजवळ आरोपींनी त्यांच्या कारला ओव्हरटेक करत समोर आणि मागील टायरसमोर लोखंडी खिळ्यांचा रॉड टाकला. त्यामुळे कारचे टायर पंक्चर झाले. त्यानंतर हल्लेखोरांनी वाहन थांबवत कारची तोडफोड केली आणि वाद घालत धमकी दिल्याचे सांगण्यात आले.

📞 अचानक झालेल्या या प्रकारामुळे घाबरलेल्या रिता बाविस्कर यांनी तातडीने ११२ आपत्कालीन सेवेला फोन केला. तसेच त्यांनी आपल्या मुलीलाही फोन करून घडलेला प्रकार सांगितला.

⚫ हल्ल्यादरम्यान आरोपी आणि बाविस्कर यांच्यात जोरदार वाद झाला. त्यावेळी आरोपींनी स्वतःला “गोरक्षक” असल्याचे सांगत, “गाडीत गाय असल्याचा संशय आल्याने कार थांबवली,” असा दावा केल्याची माहिती समोर आली आहे.

🔵 घटनेची माहिती मिळताच धुळे तालुका पोलीस स्टेशनचे पोलीस निरीक्षक धनंजय पाटील यांनी तातडीने पोलिसांचे पथक रवाना केले. पोलिसांनी जलद कारवाई करत संबंधित आरोपींना ताब्यात घेतले.

🟥 अटक करण्यात आलेल्या आरोपींची नावे पुढीलप्रमाणे असल्याची माहिती समोर आली आहे :

▪️ मिलिंद पाटील (रा. वरखेडी)

▪️ सौरभ जाधव (रा. दंडेवाला बाबा नगर, मोहाडी उपनगर, धुळे)

▪️ प्रमोद देविदास सोनवणे (रा. बाळापूर)

⚖️ या प्रकरणी धुळे तालुका पोलीस स्टेशनमध्ये भारतीय न्याय संहितेच्या कलम ११०, ३२४(४), ३२४(६) अंतर्गत गुन्हा दाखल करण्यात आला असून पुढील तपास पोलीस उपनिरीक्षक प्रशांत राठोड करीत आहेत.

🟡 दरम्यान, या गंभीर घटनेची दखल आमदार अनिल पाटील आणि खासदार स्मिता वाघ यांनी घेतल्याची माहिती मिळाली असून राजकीय वर्तुळात या घटनेची जोरदार चर्चा सुरू झाली आहे.

🚔 “गोरक्षकांच्या नावाखाली कायदा हातात?” — घटनेनंतर संतापाची लाट

या घटनेनंतर राजकीय आणि सामाजिक स्तरावर संताप व्यक्त केला जात असून, पहाटेच्या वेळी महिला नेत्या यांच्या वाहनावर झालेल्या हल्ल्यामुळे सुरक्षेचा प्रश्न पुन्हा ऐरणीवर आला आहे. पोलिसांनी आरोपींना तातडीने अटक केली असली तरी या प्रकरणामागील नेमके कारण काय, याचा तपास सुरू आहे.