🚨 अवैध वाळू माफियांवर पोलिसांचा मोठा दणका! ⚠️ पाचोरा-बनोटी मार्गावर धडक कारवाई; २२ लाखांचा हायवा पोलिसांच्या ताब्यात

SARDAR NETWORK 24×7 – DAINIK LATEST NEWS (सच आपकी जुबानी) 📍 सोयगाव | प्रतिनिधी : अप्पा वाघ

अवैधरित्या वाळूची वाहतूक करणाऱ्या वाळू माफियांविरोधात सोयगाव पोलिसांनी मोठी कारवाई करत तब्बल २२ लाख ३० हजार रुपयांचा मुद्देमाल जप्त केला आहे. पाचोरा-बनोटी मार्गावरील निंभोरा गावाजवळ रविवारी (दि. …) पहाटे सुमारे ४ वाजेच्या सुमारास ही कारवाई करण्यात आली.

पोलिसांनी दिलेल्या माहितीनुसार, पाचोरा येथून बनोटीच्या दिशेने विनापरवाना अवैध वाळू वाहतूक करणारा हायवा (क्र. MH-14 MT-8372) येत असल्याची माहिती पोलिसांना मिळाली होती. त्यानुसार पोलिसांनी निंभोरा गावाजवळ सापळा रचून संबंधित वाहनाला अडविले. तपासणीदरम्यान वाहनामध्ये कोणतीही वैध परवानगी नसताना वाळूची वाहतूक होत असल्याचे उघड झाले.

⚠️ ५ ब्रास वाळूसह हायवा जप्त

या कारवाईत पोलिसांनी अंदाजे ५ ब्रास वाळू (किंमत सुमारे ३० हजार रुपये) तसेच २२ लाख रुपये किंमतीचा हायवा असा एकूण २२ लाख ३० हजार रुपयांचा मुद्देमाल जप्त केला आहे.

याप्रकरणी पोलीस कॉन्स्टेबल नारायण खोडे यांच्या फिर्यादीवरून संबंधित चालकाविरोधात सोयगाव पोलीस ठाण्यात गुन्हा दाखल करण्यात आला आहे. पुढील तपास सुरू आहे.

👮‍♂️ पोलिस निरीक्षक दिनकर गोरे यांच्या नेतृत्वाखाली कारवाई

ही धडक कारवाई पोलीस निरीक्षक दिनकर गोरे यांच्या मार्गदर्शनाखाली करण्यात आली. या मोहिमेत गजानन दांडगे, नारायण खोडे, संदीप सुसर, कुणाल जाधव, अजय कोळी आणि आकाश कुंडकर यांच्यासह पोलिसांच्या विशेष पथकाने सहभाग घेतला.

🏴‍☠️ वाळू माफियांना इशारा!

सोयगाव पोलिसांच्या या कारवाईमुळे परिसरातील अवैध वाळू वाहतूक करणाऱ्यांमध्ये खळबळ उडाली असून, भविष्यातही अशाच प्रकारच्या कारवाया अधिक तीव्र करण्यात येणार असल्याचे संकेत मिळत आहेत.