🚨💰 ACBचा मोठा धडाका! लाचखोरीप्रकरणी अधिकाऱ्याच्या जळगावातील घरातून तब्बल ₹2.94 कोटींचे घबाड जप्त

SARDAR NETWORK 24×7 – DAINIK LATEST NEWS (सच आपकी जुबानी) 📍 जळगाव तालुका| प्रतिनिधी :

लाचखोरीप्रकरणी अकोला येथे गुन्हा दाखल झालेल्या मुद्रांक जिल्हाधिकारी किरण पुरुषोत्तम चौधरी (वय ५७) यांच्या जळगावातील निवासस्थानी लाचलुचपत प्रतिबंधक विभागाने (ACB) केलेल्या झडतीत तब्बल २ कोटी ९४ लाख ६४ हजार ८४७ रुपयांचा मुद्देमाल जप्त करण्यात आला आहे. या कारवाईमुळे प्रशासकीय वर्तुळात मोठी खळबळ उडाली आहे.

💵 रोकड, सोने आणि मालमत्तेची कागदपत्रे जप्त

ACBने दिलेल्या माहितीनुसार, झडतीदरम्यान १ कोटी ५३ लाख ८४ हजार ६३० रुपयांची रोकड, ४२२ ग्रॅमपेक्षा अधिक वजनाचे सोन्याचे दागिने, चांदीचे दागिने, विविध मालमत्तेची कागदपत्रे तसेच सोने खरेदीच्या पावत्या आढळून आल्या. हा सर्व मुद्देमाल 9l करून जप्त करण्यात आला असून पुढील तपासासाठी कोषागार कार्यालयात जमा करण्यात आला आहे.

🚔 अकोल्यात गुन्हा, जळगावात झडती

अकोला येथील जिल्हा उपनिबंधक तथा मुद्रांक जिल्हाधिकारी (वर्ग-१) किरण चौधरी यांच्याविरुद्ध २६ जून रोजी भ्रष्टाचार प्रतिबंधक अधिनियमांतर्गत गुन्हा दाखल करण्यात आला होता. या कारवाईनंतर अकोला ACBने जळगाव ACBला त्यांच्या जळगावातील घराची झडती घेण्याचे निर्देश दिले.

यानुसार ACBचे पथक जळगावातील विष्णूनगर येथील त्यांच्या निवासस्थानी पोहोचले. मात्र, घर बंद असल्याने ते सीलबंद करण्यात आले.

🏠 पत्नीच्या उपस्थितीत इन-कॅमेरा झडती

त्यानंतर २ जुलै रोजी किरण चौधरी यांच्या पत्नी मनीषा चौधरी या जळगावात आल्यानंतर त्यांच्या उपस्थितीत ACBच्या पथकाने इन-कॅमेरा झडती घेतली. या झडतीदरम्यान घरातून मोठ्या प्रमाणात नोटांची बंडले, सोन्या-चांदीचे दागिने, मालमत्तेची कागदपत्रे तसेच सोने खरेदीच्या पावत्या आढळून आल्या.

पथकाने सर्व वस्तूंची नोंद करून त्या जप्त केल्या असून पुढील चौकशी सुरू आहे.

🔎 पुढील तपास सुरू

या प्रकरणात जप्त करण्यात आलेल्या रोकड, दागिने आणि मालमत्तेच्या कागदपत्रांची पडताळणी सुरू असून, त्यांची उत्पत्ती, आर्थिक व्यवहार आणि संभाव्य बेहिशेबी संपत्तीबाबत ACBकडून सखोल तपास केला जात आहे.