🚨👮 सोयगाव पोलिसांचा अवैध धंद्यांवर मोठा प्रहार! 🚔🔥

SARDAR NETWORK 24×7 – DAINIK LATEST NEWS (सच आपकी जुबानी) 📍 सोयगाव तालुका | प्रतिनिधी (अप्पा वाघ)

सोयगाव पोलीस ठाण्याचे नूतन पोलीस निरीक्षक दिनकर गोरे यांनी पदभार स्वीकारताच तालुक्यातील अवैध धंद्यांविरोधात ‘वॉश आऊट मोहीम’ सुरू केली असून, अवैध व्यवसाय करणाऱ्यांवर पोलिसांनी धडक कारवायांचा सपाटा लावला आहे. शनिवारी (ता. ६) करण्यात आलेल्या दोन स्वतंत्र कारवायांमध्ये अवैध गावठी दारू निर्मितीचे रसायन जप्त करून नष्ट करण्यात आले, तर सोयगाव शहरात सुरू असलेल्या जुगार अड्ड्यावरही पोलिसांनी कारवाई केली.

🍾 जोगेश्वरी धरण परिसरात गावठी दारू निर्मितीचे रसायन जप्त

शनिवारी सकाळी सुमारे साडेअकरा वाजेच्या सुमारास घोसला शिवारातील जोगेश्वरी धरणाच्या भिंतीलगत नदीपात्रात पोलिसांनी छापा टाकला. यावेळी रमजान शब्बीर तडवी (वय ५०, रा. घोसला) हा कोणताही परवाना नसताना बेकायदेशीररित्या गावठी हातभट्टी दारू तयार करण्यासाठी रसायन साठवून ठेवत असल्याचे आढळून आले.

पोलिसांनी घटनास्थळी दोन निळ्या रंगाचे प्रत्येकी २५० लिटर क्षमतेचे प्लास्टिक ड्रम जप्त केले. या ड्रममध्ये एकूण ४८० लिटर गावठी दारू निर्मितीसाठी लागणारे रसायन आढळून आले. जप्त करण्यात आलेल्या मुद्देमालाची किंमत सुमारे २४ हजार रुपये असल्याचे सांगण्यात आले.

या प्रकरणी आरोपीविरुद्ध सोयगाव पोलीस ठाण्यात गुन्हा क्रमांक ११६/२०२६ नोंद करण्यात आला असून महाराष्ट्र दारूबंदी कायदा कलम ६५ (ई) व (फ) अंतर्गत गुन्हा दाखल करण्यात आला आहे.

🎲 जुगार अड्ड्यावरही पोलिसांचा छापा

याच दिवशी दुपारी सुमारे दीड वाजता सोयगाव शहरातील सोना नदी पुलाखालील मोकळ्या जागेत सुरू असलेल्या जुगार अड्ड्यावर पोलिसांनी दुसरी कारवाई केली.

या कारवाईत एक व्यक्ती पैसे लावून ‘तिरट’ नावाचा जुगार खेळ खेळताना रंगेहात पकडण्यात आला. आरोपीकडून रोख २,७३० रुपये, कल्याण मटका जुगाराच्या तीन चिठ्ठ्या, एक कार्बन आणि बॉलपेन असा जुगार साहित्य जप्त करण्यात आला.

🚔 अवैध धंद्यांविरोधात पोलिसांची मोहीम तीव्र

नूतन पोलीस निरीक्षक दिनकर गोरे यांनी पदभार स्वीकारल्यानंतर अवैध धंद्यांविरोधात विशेष मोहीम सुरू केली असून त्यासाठी स्वतंत्र दोन पथके तयार करण्यात आली आहेत. त्यामुळे तालुक्यातील अवैध दारू, जुगार आणि इतर बेकायदेशीर व्यवसाय करणाऱ्यांमध्ये खळबळ उडाली आहे.

👮‍♂️ या पथकाने केली कारवाई

ही कारवाई पोलीस निरीक्षक दिनकर गोरे, पोलीस उपनिरीक्षक गजानन आरेकर, सादिक तडवी, नारायण जिरी, गजानन दांडगे, अजय कोळी, संजय सिंगल, नारायण खोडे, शांताराम सपकाळ आदींच्या पथकाने यशस्वीपणे पार पाडली.

तालुक्यातील अवैध धंद्यांवर पोलिसांनी सुरू केलेल्या या धडक मोहिमेमुळे कायदा व सुव्यवस्थेला बळकटी मिळणार असल्याची प्रतिक्रिया नागरिकांकडून व्यक्त होत आहे.