🚨😭 अमळनेर हादरले! तलावात बुडून तीन निष्पाप चिमुकल्यांचा दुर्दैवी मृत्यू; सिंधी कॉलनीवर शोककळा

SARDAR NETWORK 24×7 – DAINIK LATEST NEWS (सच आपकी जुबानी) 📍 📍अमळनेर तालुका | प्रतिनिधी मुन्ना शेख

अमळनेर-चोपडा मार्गावरील एका तलावात मंगळवारी सायंकाळी घडलेल्या अत्यंत दुर्दैवी घटनेत तीन निष्पाप मुलांचा पाण्यात बुडून मृत्यू झाला. या हृदयद्रावक घटनेमुळे संपूर्ण अमळनेर शहरावर शोककळा पसरली असून, सिंधी कॉलनीसह परिसरात हळहळ व्यक्त केली जात आहे.

मृत मुलांची ओळख मानव बंटी रतनानी, कार्तिक विकी उधवानी आणि दिनेश विजय पंजवानी अशी झाली असून, तिघेही अमळनेर येथील सिंधी कॉलनीचे रहिवासी होते.

मिळालेल्या प्राथमिक माहितीनुसार, मंगळवारी सायंकाळी सुमारे ५ वाजण्याच्या सुमारास तिन्ही मुले अमळनेर-चोपडा मार्गावरील तलावाजवळ गेली होती. याच दरम्यान त्यांचा पाण्यात बुडून दुर्दैवी मृत्यू झाला. घटनेची माहिती मिळताच स्थानिक नागरिक, बचाव पथक आणि पोलिसांनी घटनास्थळी धाव घेतली.

🚨 नागरिकांनी आणि बचाव पथकाने अथक प्रयत्न करून तिन्ही मुलांना तलावातून बाहेर काढले, मात्र तोपर्यंत त्यांचा मृत्यू झाला होता.

⚖️ शवविच्छेदनासाठी ग्रामीण रुग्णालयात हलविले

मृत तिन्ही मुलांचे मृतदेह पुढील कायदेशीर प्रक्रिया व शवविच्छेदनासाठी अमळनेर येथील ग्रामीण रुग्णालयात हलविण्यात आले आहेत. या प्रकरणाचा अधिक तपास पोलिसांकडून सुरू असून, नेमके अपघात कशामुळे घडला याचा शोध घेतला जात आहे.

💔 अमळनेरमध्ये शोककळा

एका दिवसात तीन निष्पाप मुलांचा मृत्यू झाल्याने सिंधी कॉलनीसह संपूर्ण अमळनेर शहरात हळहळ व्यक्त केली जात आहे. मृत मुलांच्या कुटुंबीयांचा आक्रोश पाहून परिसरातील नागरिकही भावूक झाले असून, सर्व स्तरातून श्रद्धांजली अर्पण केली जात आहे.