🚨 अमळनेरमध्ये धाडसी घरफोडी!

SARDAR NETWORK 24×7 – DAINIK LATEST NEWS (सच आपकी जुबानी) 📍 📍 अमळनेर | प्रतिनिधी : मुन्ना शेख

अमळनेर शहरातील एकता नगर परिसरात भरदिवसा नव्हे तर रात्रीच्या अंधाराचा फायदा घेत अज्ञात चोरट्यांनी धाडसी घरफोडी करत तब्बल ८ लाख ६६ हजार रुपयांहून अधिक किमतीचे सोन्याचे दागिने लंपास केल्याची खळबळजनक घटना उघडकीस आली आहे. या घटनेमुळे परिसरात भीतीचे वातावरण निर्माण झाले असून पोलिसांनी तपासाची चक्रे वेगाने फिरवली आहेत.

🔓 साखरपुड्यासाठी सुरतला गेले, अन् मागे घर फोडले!

एकता नगर, जिनगर गल्ली येथील रहिवासी छगन चुडामन बिऱ्हाडे हे आपल्या पुतण्याच्या साखरपुड्यासाठी २० जून रोजी रात्री साडेदहा वाजता घराला कुलूप लावून सुरत येथे गेले होते.
दरम्यान, २१ जून रोजी सकाळी सुमारे ८ वाजता मंगलाबाई रातीलाल बिऱ्हाडे यांनी फोन करून त्यांच्या घराच्या दुसऱ्या आणि तिसऱ्या मजल्यावरील दरवाज्यांची कुलपे तुटलेली असल्याची माहिती दिली. घरात चोरी झाल्याचे समजताच छगन बिऱ्हाडे तातडीने अमळनेरला रवाना झाले.

दुपारी घरी पोहोचल्यानंतर त्यांनी पाहिले असता खालच्या मजल्याचे कुलूप जसेच्या तसे होते. मात्र दुसऱ्या आणि तिसऱ्या मजल्यावरील खोल्यांचे दरवाजे उघडे असून कपाटांचे लॉक तोडण्यात आल्याचे दिसून आले.

💎 कपाट फोडून लाखो रुपयांचे दागिने गायब

चोरट्यांनी कपाटातील मौल्यवान सोन्याचे दागिने चोरून नेले. चोरीस गेलेल्या ऐवजामध्ये –
🔸 अर्धा ग्रॅम वजनाची बाळाची सोन्याची अंगठी – ₹4,800
🔸 25.18 ग्रॅम वजनाची सोन्याची पोत – ₹3,60,788
🔸 5.07 ग्रॅम वजनाचे पोत पेंडल – ₹73,997
🔸 9.34 ग्रॅम वजनाची सोन्याची पोत – ₹1,33,252
🔸 मंगळसूत्राच्या सोन्याच्या वाट्या – ₹21,455
🔸 कानातील सोन्याच्या बाळ्या – ₹41,304
🔸 35 ग्रॅम वजनाचा सोन्याचा चपला हार – ₹2,30,472
💰 एकूण चोरीस गेलेल्या दागिन्यांची किंमत ८ लाख ६६ हजार ६८ रुपये असल्याचे फिर्यादीत नमूद करण्यात आले आहे.

🏠 दाट वस्तीत चोरी; शेजारच्या घरावरून प्रवेशाचा संशय

जिनगर गल्ली हा परिसर अत्यंत अरुंद आणि दाट लोकवस्तीचा आहे. त्यामुळे अशा प्रकारची घरफोडी होणे अवघड मानले जात होते.

मात्र खालच्या मजल्याचे कुलूप अबाधित असल्याने चोरट्यांनी शेजारच्या घरावरून इमारतीत प्रवेश करून वरच्या मजल्यांवरील घरांमध्ये प्रवेश केला असावा, असा प्राथमिक अंदाज व्यक्त केला जात आहे.

👮 पोलिसांचा तातडीने घटनास्थळी धाव

घटनेची माहिती मिळताच पोलीस प्रशासनाने घटनास्थळी भेट देत तपास सुरू केला.

घटनास्थळी:
👮‍♂️ उपविभागीय पोलीस अधिकारी विनायक कोते
👮‍♂️ पोलीस निरीक्षक दत्तात्रय निकम
👮‍♂️ पोलीस उपनिरीक्षक शरद काकळीज
👮‍♂️ पोलीस उपनिरीक्षक नामदेव बोरकर

यांच्यासह पोलीस कर्मचारी निलेश मोरे, शेखर साळुंखे, विनोद संदानशिव, गणेश पाटील, उज्वल पाटील आणि नितीन मनोरे यांनी घटनास्थळी पाहणी केली.

याशिवाय 🐕 श्वान पथक, 🔍 ठसे तज्ज्ञ, तसेच जळगाव स्थानिक गुन्हे शाखेचे पथक घटनास्थळी दाखल झाले.

🧬 कपाटावर मिळाले चोरट्यांचे ठसे

तपासादरम्यान कपाटावर संशयितांचे काही ठसे आढळून आले असून पोलिसांनी ते जप्त करून नमुने तपासणीसाठी पाठवले आहेत. या ठशांच्या आधारे आरोपींचा शोध घेण्याचे प्रयत्न सुरू आहेत.

⚖️ गुन्हा दाखल; पोलिसांचा तपास सुरू

या प्रकरणी अमळनेर पोलीस ठाण्यात अज्ञात चोरट्यांविरुद्ध भारतीय न्याय संहिता (BNS) कलम 305 (अ) आणि 331 (4) अन्वये गुन्हा दाखल करण्यात आला आहे.

🔎 या गुन्ह्याचा पुढील तपास पोलीस उपनिरीक्षक शरद काकळीज करीत आहेत.