🎓🏆 जळगावच्या शिक्षकाचा राज्यस्तरीय गौरव! भुसावळ तालुक्यातील समाधान जाधव यांना ‘महाराष्ट्र राज्यस्तरीय आदर्श शिक्षक पुरस्कार 2025-26’ प्रदान

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ | प्रतिनिधी : ✍️ इम्रान खान

भुसावळ तालुक्यातील काहुरखेडे गावातील जिल्हा परिषद प्राथमिक शाळेचे शिक्षक समाधान रामचंद्र जाधव यांना रिजनल टीचर्स ऑर्गनायझेशन, दापोली यांच्या वतीने प्रदान करण्यात येणारा प्रतिष्ठेचा “महाराष्ट्र राज्यस्तरीय आदर्श शिक्षक पुरस्कार 2025-26” जाहीर झाला असून त्यांना मान्यवरांच्या हस्ते गौरविण्यात आले आहे. विशेष म्हणजे, जळगाव जिल्ह्यातून एकमेव प्राथमिक शिक्षक म्हणून त्यांची या राज्यस्तरीय पुरस्कारासाठी निवड करण्यात आली आहे. 🎖️

राज्यभरातील शिक्षकांच्या शैक्षणिक, सामाजिक आणि विद्यार्थीकेंद्रित कार्याचा सखोल अभ्यास करून संस्थेच्या पारदर्शक निवड प्रक्रियेनुसार पुरस्कारार्थींची निवड करण्यात आली. विद्यार्थ्यांच्या सर्वांगीण विकासासाठी सातत्याने राबविलेले उपक्रम, नाविन्यपूर्ण अध्यापन पद्धती, गुणवत्तापूर्ण शिक्षणासाठी केलेले प्रयत्न तसेच सामाजिक बांधिलकी जपत केलेल्या उल्लेखनीय कार्याची दखल घेत समाधान जाधव यांना या मानाच्या पुरस्काराने सन्मानित करण्यात आले. 📚✨

हा पुरस्कार माननीय पदवीधर आमदार सत्यजित तांबे यांच्या हस्ते प्रदान करण्यात आला. यावेळी रिजनल टीचर्स ऑर्गनायझेशनचे राष्ट्रीय अध्यक्ष संजय काशीद, महाराष्ट्र राज्य सल्लागार प्रदीप सोनवणे, जळगाव जिल्हाध्यक्ष गोविंद चौधरी तसेच संस्थेचे विविध पदाधिकारी आणि शिक्षण क्षेत्रातील मान्यवर मोठ्या संख्येने उपस्थित होते. 👏

समाधान जाधव यांनी ग्रामीण भागातील विद्यार्थ्यांना आधुनिक व गुणवत्तापूर्ण शिक्षण मिळावे यासाठी सातत्याने प्रयत्न केले आहेत. विद्यार्थ्यांमध्ये शिक्षणाची आवड निर्माण व्हावी, त्यांचा बौद्धिक व सामाजिक विकास व्हावा यासाठी त्यांनी विविध उपक्रम राबवून आपली वेगळी ओळख निर्माण केली आहे. 🌟

या राज्यस्तरीय सन्मानामुळे काहुरखेडे गाव, भुसावळ तालुका आणि संपूर्ण जळगाव जिल्ह्याच्या शैक्षणिक क्षेत्राच्या शिरपेचात मानाचा तुरा रोवला गेला आहे. समाधान जाधव यांच्या या यशाबद्दल विविध स्तरांतून अभिनंदनाचा वर्षाव होत असून सामाजिक, शैक्षणिक आणि राजकीय क्षेत्रातून त्यांचे कौतुक केले जात आहे. 🎉🏅