🚨 भुसावळात मोठी कारवाई! 🔫 गावठी पिस्टल आणि जिवंत काडतुसासह दोन आरोपींवर गुन्हा दाखल

SARDAR NETWORK 24×7 – DAINIK LATEST NEWS (सच आपकी जुबानी)  📍 भुसावळ प्रतिनिधी  | इम्रान खान

भुसावळ शहरात अवैध शस्त्रांविरोधात भुसावळ बाजारपेठ पोलिसांनी मोठी कारवाई करत एका तरुणाला गावठी पिस्टल आणि जिवंत काडतुसासह जेरबंद केले आहे. या कारवाईमुळे शहरातील अवैध शस्त्र बाळगणाऱ्यांमध्ये खळबळ उडाली असून पोलिसांच्या सतर्कतेचे कौतुक केले जात आहे.

मिळालेल्या माहितीनुसार, मा. पोलीस अधीक्षक श्रीकांत धिवरे, अप्पर पोलीस अधीक्षक संदीप गावीत तसेच उपविभागीय पोलीस अधिकारी केदार बारबोले यांनी भुसावळ शहरात अवैध गावठी कट्टे बाळगणाऱ्या आरोपींवर लक्ष ठेवून कठोर कारवाई करण्याचे आदेश दिले होते.

त्याअनुषंगाने राहुल वाघ यांच्या मार्गदर्शनाखाली भुसावळ बाजारपेठ पोलीस स्टेशनच्या डी.बी. पथकाने गुप्त माहितीच्या आधारे सापळा रचला. पोलिसांना माहिती मिळाली होती की, शिरपूर-कन्हाळा रोडवरील घोडेपिर बाबा दर्गा परिसरात एक इसम गंभीर गुन्हा करण्याच्या उद्देशाने गावठी पिस्टल आणि जिवंत राऊंड घेऊन येणार आहे.

🔍 सापळा रचून आरोपी ताब्यात

डी.बी. पथकाने तत्काळ कारवाई करत संशयित आरोपी अरसद अली शेख खालीद अली (वय 20) रा. आझाद नगर, बऱ्हाणपूर (मध्यप्रदेश) याला ताब्यात घेतले. त्याच्या अंगझडतीदरम्यान पोलिसांना एक लोखंडी गावठी पिस्टल, मॅगझीन आणि एक जिवंत काडतुस असा एकूण 41 हजार रुपयांचा मुद्देमाल आढळून आला.

पोलिसांनी आरोपीकडे अधिक चौकशी केली असता, सदर गावठी कट्टा हा मोहम्मद राजीक मोहम्मद आरीफ रा. मुस्लिम कॉलनी, भुसावळ याने ठेवण्यासाठी दिल्याची माहिती आरोपीने दिली.

⚖️ दोघांविरोधात गुन्हा दाखल

या प्रकरणी पोलिसांनी
1️⃣ अरसद अली शेख खालीद अली
2️⃣ मोहम्मद राजीक मोहम्मद आरीफ
यांच्याविरोधात गु.र.नं. 236/2026 अन्वये आर्म अ‍ॅक्ट 3/25 तसेच महाराष्ट्र पोलीस कायद्यानुसार गुन्हा दाखल केला आहे.

👮‍♂️ डी.बी. पथकाची धडाकेबाज कामगिरी

ही कारवाई डी.बी. पथकातील अधिकारी आणि कर्मचाऱ्यांनी अत्यंत शिताफीने पार पाडली. उपविभागीय पोलीस अधिकारी केदार बारबोले आणि पोलीस निरीक्षक राहुल वाघ यांच्या मार्गदर्शनाखाली पुढील तपास पोहेकॉ कांतीलाल केदारे करीत आहेत.

⚠️ “शहरात गुन्हेगारीसाठी आणले होते शस्त्र?”

पोलिसांच्या प्राथमिक तपासानुसार आरोपी गंभीर गुन्हा करण्याच्या तयारीत असल्याचा संशय व्यक्त केला जात असून, या कारवाईमुळे संभाव्य मोठा गुन्हा टळल्याची चर्चा शहरात सुरू आहे.