🤲 भुसावळात मानवतेचा आदर्श! रझा टॉवर ग्रुपकडे मोफत जनाजा वाहन सेवा सुपूर्द 🚑🕌

SARDAR NETWORK 24×7 – DAINIK LATEST NEWS (सच आपकी जुबानी)  📍 भुसावळ प्रतिनिधी  | इम्रान खान : ✍️

भुसावळ शहराची वाढती लोकसंख्या आणि मुस्लिम बहुल भागांतून कब्रस्तानापर्यंत जनाजा नेण्यासाठी होणाऱ्या अडचणी लक्षात घेता एक अत्यंत कौतुकास्पद आणि मानवतेचा संदेश देणारा उपक्रम समोर आला आहे. दर्दमंदना फाउंडेशनचे अध्यक्ष व सेवानिवृत्त शिक्षक इल्यास शेख यांनी स्वतःच्या पुढाकारातून तयार करून घेतलेली शववाहिका अर्थात जनाजा वाहन सेवा आता रझा टॉवर ग्रुपकडे सुपूर्द करण्यात आली आहे. 🤝

मुस्लिम कॉलनी, चाळ, कंडारी आणि 15 बंगला परिसरातून कब्रस्तानाचे अंतर जास्त असल्यामुळे अनेक कुटुंबांना जनाजा नेण्यासाठी ट्रॅक्टर किंवा छोट्या वाहनांचा आधार घ्यावा लागत होता. गरीब आणि गरजू कुटुंबांसाठी ही मोठी समस्या बनली होती. ही अडचण ओळखून इल्यास शेख सर यांनी समाजसेवेचा आदर्श निर्माण करत जनाजा वाहन तयार करून घेतले. 🚐

📢 अनेक संस्थांशी संपर्क, मात्र अपेक्षित प्रतिसाद नाही

या वाहनाची जबाबदारी समाजहितासाठी कोणीतरी स्वीकारावी यासाठी इल्यास शेख सर यांनी शहरातील विविध सामाजिक संस्था आणि फाउंडेशनशी संपर्क साधला होता. मात्र, त्यांना अपेक्षित प्रतिसाद मिळू शकला नाही. 😔

दरम्यान, हज यात्रेसाठी रवाना होण्यापूर्वी त्यांनी सद्दाम खाटीक यांना आपल्या घरी दावतीसाठी बोलावले. चर्चेदरम्यान त्यांनी जनाजा वाहनाबाबतची संपूर्ण माहिती आणि समाजासाठी असलेली आपली इच्छा व्यक्त केली. 🕋✨

🤲 रझा टॉवर ग्रुपने स्वीकारली जबाबदारी

यानंतर सद्दाम खाटीक यांनी तत्काळ रझा टॉवर ग्रुपचे मोहसिन काझी, निसार शेख, वसीम शेख आणि मुजाहिद शेख यांच्याशी संपर्क साधून या नेक कार्याची माहिती दिली.

त्यानंतर सायंकाळी ५ वाजता आयोजित कार्यक्रमात इल्यास शेख सर यांनी सद्दाम खाटीक यांच्या माध्यमातून ही शववाहिका अर्थात जनाजा वाहनाची संपूर्ण जबाबदारी रझा टॉवर ग्रुपकडे अधिकृतपणे सुपूर्द केली. 🚑📜

💬 “ही सेवा पूर्णपणे मोफत राहणार”

यावेळी सद्दाम खाटीक आणि मोहसिन काझी यांनी इल्यास शेख सर यांचे आभार व्यक्त करत सांगितले की, ज्यांना जनाजा कब्रस्तानापर्यंत नेण्यासाठी वाहनाची गरज असेल त्यांनी सद्दाम खाटीक, मोहसिन काझी, निसार शेख, वसीम शेख तसेच ग्रुपच्या इतर सदस्यांशी संपर्क साधावा. 📞

विशेष म्हणजे, या सेवेसाठी कोणतेही शुल्क आकारले जाणार नसून ही सेवा पूर्णपणे समाज आणि मानवतेच्या सेवेसाठी समर्पित राहणार असल्याचे त्यांनी स्पष्ट केले. ❤️🕌

🌟 भुसावळात उपक्रमाचे सर्वत्र कौतुक

इल्यास शेख सर यांच्या समाजसेवेच्या भावनेचे तसेच रझा टॉवर ग्रुपने स्वीकारलेल्या या जबाबदारीचे भुसावळ शहरात सर्वत्र कौतुक होत आहे. गरजू कुटुंबांसाठी ही सेवा मोठा आधार ठरणार असल्याची भावना नागरिकांकडून व्यक्त केली जात आहे. 👏🌹