🚨 “सावद्यात कारवाई, फैजपूर शिवारात जुगाराचा सुळसुळाट! शेतात थाटला अवैध जुगार अड्डा”

SARDAR NETWORK 24×7 – DAINIK LATEST NEWS (सच आपकी जुबानी)  📍 हिंगोणा (ता. यावल) | प्रतिनिधी शब्बीर खान)

यावल तालुक्यातील फैजपूर परिसरात सध्या अवैध जुगार व्यवसायाने डोके वर काढले असून परिस्थिती गंभीर बनत आहे.
माहितीनुसार, सावदा शहरात अवैध धंद्यांवर सध्या काही प्रमाणात आळा बसल्याने जुगार चालवणाऱ्यांनी आपले अड्डे थेट फैजपूर शिवारात हलवले आहेत.

पिंपरुळ फाटा ते आमोदा दरम्यानच्या शेतात पूर्ण सेटिंग लावून बेधडकपणे जुगार खेळला जात असल्याची माहिती समोर येत आहे, ज्याठिकाणी बाहेरूनही मोठ्या प्रमाणात लोकांची ये-जा सुरू आहे.

🔴 मजुरांच्या कमाईवर डल्ला अप

या जुगार अड्ड्याचा सर्वाधिक फटका मजूर वर्गाला बसत आहे.
दिवसभर कष्ट करून मिळवलेली कमाई अनेक जण जुगारात गमावत असून रिकाम्या हाताने घरी परतण्याची वेळ येत आहे, यामुळे त्यांच्या कुटुंबांवर मोठे आर्थिक संकट ओढवले आहे.

🔴 तरुणाई जुगार-दारूच्या विळख्यात

ही परिस्थिती इतकी गंभीर आहे की तरुण वर्ग देखील जुगार आणि दारूच्या आहारी जात असल्याचे चित्र दिसत आहे, ज्यामुळे सामाजिक संतुलन बिघडण्याची भीती व्यक्त केली जात आहे।

🔴 “नामांकित व्यक्ती”च्या संरक्षणाचा संशय

स्थानिक पातळीवर अशी चर्चा आहे की सावदा येथील एका नामांकित व्यक्तीच्या छत्रछायेखाली हा जुगार अड्डा चालत असून, दररोज हजारो रुपयांची अवैध कमाई केली जात आहे.

🔴 पोलीस प्रशासनावर प्रश्नचिन्ह

या प्रकरणात अनेक गंभीर प्रश्न उपस्थित होत आहेत:

👉 संबंधित पोलिसांना याची माहिती नाही का?
👉 की कोणाच्या आशिर्वादाने हा अवैध व्यवसाय सुरू आहे?

सध्या फैजपूर पोलीस ठाण्यात पोलीस निरीक्षक पद रिक्त असल्याची चर्चा असून, त्यामुळे कारवाईत ढिलाई होत असल्याचा आरोप आहे।

🔴 SDPO कडून कारवाईची मागणी

स्थानिक नागरिकांनी उपविभागीय पोलीस अधिकारी (SDPO) अनिल बडगुजर यांनी या प्रकरणात स्वतः लक्ष घालून तात्काळ कठोर कारवाई करावी, अशी मागणी केली आहे।

सावद्यातील कारवाईनंतर जुगार बंद होण्याऐवजी फक्त ठिकाण बदलून फैजपूरमध्ये फोफावत असल्याचे स्पष्ट झाले आहे।
आता या गंभीर प्रकारावर पोलीस प्रशासन किती प्रभावीपणे कारवाई करते, याकडे सर्वांचे लक्ष लागले आहे।