🚨🔫 जळगावात मोठी कारवाई! अवैध गावठी पिस्टल रॅकेटचा पर्दाफाश 🔥🚔

SARDAR NETWORK 24×7 – DAINIK LATEST NEWS (सच आपकी जुबानी) जळगाव तालुका प्रतिनिधी : ✍️📍

जळगाव शहरात अवैध अग्नीशस्त्रांचा मोठा साठा फिरत असल्याची धक्कादायक बाब उघड झाली असून जिल्हापेठ पोलीस स्टेशनच्या धडाकेबाज कारवाईत तब्बल ७ आरोपींना अटक करण्यात आली आहे. या कारवाईदरम्यान ८ गावठी पिस्टल, १० जिवंत काडतुसे आणि एक मोटारसायकल असा एकूण ३ लाख १० हजार रुपयांचा मुद्देमाल जप्त करण्यात आला आहे.

ही कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते आणि उपविभागीय पोलीस अधिकारी नितीन गणापुरे यांच्या मार्गदर्शनाखाली सहाय्यक पोलीस निरीक्षक अनिल वाघ यांच्या पथकाने केली.

🔎 गुप्त माहितीवरून सुरू झाली मोठी कारवाई

दिनांक १ मार्च २०२६ रोजी पहाटे १ वाजता जिल्हापेठ पोलीस ठाण्यात CCTNS क्र. ४४/२०२६ नुसार शस्त्र अधिनियम १९५९ चे कलम ३ व २५ अंतर्गत गुन्हा दाखल करण्यात आला.
पोलीसांना गुप्त बातमीदारामार्फत माहिती मिळाली की जळगावातील यश रामदास नन्नवरे हा गावठी पिस्टल बाळगून फिरत आहे. माहितीची खात्री करून पोलीस पथकाने भज्जी गल्ली परिसरातून त्याला ताब्यात घेतले.

त्याची अंगझडती घेतली असता १ गावठी पिस्टल सापडले. त्यानंतर पोलिसांनी सखोल चौकशी केली असता अवैध शस्त्र विक्रीचे मोठे जाळे उघडकीस आले.

🕵️‍♂️ चौकशीत उघड झाला मुख्य शस्त्र पुरवठादार

यश नन्नवरे याने चौकशीत सांगितले की त्याने वरणगाव येथील केशव सुनिल भालेराव याच्याकडून पिस्टल घेतले होते. पोलिसांनी त्याला अटक केली असता त्याच्याकडूनही १ गावठी पिस्टल व ३ जिवंत काडतुसे जप्त करण्यात आले.

पुढील तपासात समाधान बळीराम निकम (रा. अंजाळे ता. यावल) हा मुख्य पुरवठादार असल्याचे उघड झाले. तांत्रिक विश्लेषणाच्या आधारे त्याला नेरी (ता. जामनेर) येथून अटक करण्यात आली.
चौकशीत त्याने कबुली दिली की तो मध्यप्रदेशातून गावठी पिस्टल आणून जळगाव जिल्ह्यात विक्री करत होता.

👮‍♂️ पोलिसांनी अटक केलेले आरोपी

या प्रकरणात पोलिसांनी खालील आरोपींना अटक केली आहे:

1️⃣ यश रामदास नन्नवरे (२७) – जळगाव
2️⃣ केशव सुनिल भालेराव (२३) – वरणगाव, ता. भुसावळ
3️⃣ गौरव देविदास साळवे (२२) – पिंप्राळा, जळगाव
4️⃣ समाधान बळीराम निकम (४०) – अंजाळे, ता. यावल
5️⃣ विकास प्रकाश काकडे (२८) – साळसिंगी, ता. बोदवड
6️⃣ जगदीश गजानन महाजन (२०) – शाहपूर, मध्यप्रदेश
7️⃣ कैलास राजेंद्र माळी (२२) – बोरकुंड, जि. धुळे

💣 जप्त करण्यात आलेला मुद्देमाल

पोलीसांनी आरोपींकडून खालील साहित्य जप्त केले:

🔫 ०८ गावठी पिस्टल (प्रत्येकी अंदाजे ₹३५,०००)

💥 १० जिवंत काडतुसे

🏍 होंडा युनिकॉर्न मोटारसायकल (MH19 CM 1312)

➡️ एकूण मुद्देमाल किंमत – सुमारे ₹३,१०,०००

⚠️ काही आरोपींवर आधीपासून गंभीर गुन्हे

या प्रकरणातील काही आरोपींवर आधीपासून खुनाचा प्रयत्न, आर्म्स अ‍ॅक्ट आणि इतर गंभीर गुन्ह्यांची नोंद आहे.

समाधान निकम – पाचोरा पोलीस ठाण्यात खुनाचा प्रयत्न प्रकरणात फरार

केशव भालेराव – वरणगाव पोलीस ठाण्यातील गुन्ह्यात पाहिजे आरोपी

यामुळे या प्रकरणाला मोठे गुन्हेगारी रॅकेट असल्याची शक्यता पोलिसांकडून तपासली जात आहे.

🔍 तपास सुरू

या प्रकरणाचा पुढील तपास पोलीस उपनिरीक्षक गोपाल देशमुख करत असून या रॅकेटमागे आणखी कोणते आरोपी आहेत का याचा तपास सुरू आहे.

✅ जिल्हापेठ पोलिसांच्या या धडाकेबाज कारवाईमुळे जळगाव शहरात मोठा अनर्थ टळल्याची चर्चा सुरू आहे.