🚨🛣️ मोठा वाघोदा–निंभोरा रस्त्यावर ‘एक इंची कारपेट’चा खेळ?

SARDAR NETWORK 24×7 – DAINIK LATEST NEWS (सच आपकी जुबानी) सावदा प्रतिनिधी : ✍️ – मुबारक तडवी

रावेर तालुक्यातील मोठा वाघोदा बुद्रुक ते निंभोरा (४ किमी) या रस्त्याचे नुकतेच डांबरीकरण करण्यात आले असले तरी, हे काम अत्यंत निकृष्ट दर्जाचे झाल्याचा आरोप नागरिकांकडून करण्यात येत आहे. काही वर्षांपूर्वी या मार्गावरील मोठा वाघोदा बुद्रुक गावातील सुमारे १ किमी रस्ता पंतप्रधान ग्राम सडक योजनेअंतर्गत सिमेंट काँक्रीटीकरण करून तयार करण्यात आला होता. मात्र त्यानंतर अल्पावधीतच रस्त्याच्या मध्यभागी एक ते दीड फूट खोल भेगा व मोठे खड्डे पडले होते. 🚧

कोरड्या हंगामात धुळीचा त्रास आणि पावसाळ्यात पाण्याने भरलेले खड्डे—“रस्त्यात खड्डे की खड्ड्यांत रस्ता?” असा प्रश्न वाहनधारकांना पडत होता. वारंवार तक्रारी व वृत्तपत्रांत बातम्या प्रसिद्ध होऊनही सार्वजनिक बांधकाम विभागाकडून ठोस कारवाई झाली नसल्याची भावना नागरिक व्यक्त करत आहेत.

🧱 फक्त ‘मलमपट्टी’ की कायमस्वरूपी उपाय?

गेल्या पाच दिवसांत मोठा वाघोदा बुद्रुक ते निंभोरा या रस्त्यावर डांबरीकरणाचे काम करण्यात आले. मात्र नागरिकांच्या मते, जाड खडी न टाकता, सपाटीकरण न करता, रोडरोलरने योग्य दाब न देता फक्त एक ते दीड इंचाचा डांबराचा पातळ थर (कारपेट) टाकण्यात आला. विशेष म्हणजे, सिमेंट काँक्रीटच्या रस्त्यावर थेट डांबरीकरण करून जणू “मुठमाती” देण्यात आल्याचा आरोप होत आहे. 😟

याच पद्धतीने मोठा वाघोदा बुद्रुक ते चिनावल मार्गावरही डांबरीकरण झाल्याचे सांगितले जात आहे. तसेच चिनावल फाटा ते उर्दू शाळा या सिमेंट काँक्रीट रस्त्यावरही डांबराची पातळ चादर टाकण्यात आल्याची चर्चा गावकऱ्यांतून सुरू आहे.

👀 अधिकाऱ्यांची अनुपस्थिती चर्चेत

नागरिकांच्या म्हणण्यानुसार, संपूर्ण ४ किमी रस्त्याचे काम पूर्ण होईपर्यंत सावदा सार्वजनिक बांधकाम विभागातील एकही अधिकारी, कर्मचारी किंवा सुपरवायझर प्रत्यक्ष पाहणीसाठी हजर असल्याचे दिसून आले नाही. त्यामुळे कामाच्या दर्जाबाबत प्रश्नचिन्ह निर्माण झाले आहे. 🤔

गावकऱ्यांमध्ये संबंधित ठेकेदाराने महागड्या चारचाकीतून रस्त्यावर फेरफटका मारल्याची चर्चा असून, कामाच्या गुणवत्तेबाबत गंभीर शंका व्यक्त होत आहे.

❓ “तेरी भी चूप, मेरी भी चूप?” – जनतेचे सवाल

सार्वजनिक बांधकाम विभागाचे कार्यकारी अभियंता, शाखा अभियंता, कनिष्ठ अभियंता व सुपरवायझर यांना हा प्रकार दिसून आला नाही का? की पाहूनही दुर्लक्ष करण्यात आले? असा सवाल नागरिकांकडून उपस्थित केला जात आहे.

📢 नागरिकांची मागणी काय?

🔍 वरिष्ठ अधिकाऱ्यांनी तात्काळ स्थळ पाहणी करावी
🛠️ रस्त्याचे तांत्रिक परीक्षण करून आवश्यक असल्यास खोदकाम करावे
🪨 योग्य प्रमाणात जाड खडी टाकून रोडरोलरने दाबाई करावी
🛣️ मानकांनुसार दर्जेदार डांबरीकरण पुन्हा करावे
अन्यथा, एका जिल्हा पदाधिकाऱ्यांकडून कायदेशीर आंदोलनाचा इशारा देण्यात आल्याचे समजते. ⚖️

⚠️ जनतेचा इशारा

ग्रामीण भागातील रस्ते विकासासाठी केंद्र व राज्य सरकार मोठ्या प्रमाणात निधी उपलब्ध करून देत असताना, प्रत्यक्षात कामाची गुणवत्ता अशीच राहिली तर शासनाच्या योजनांवरच प्रश्नचिन्ह निर्माण होईल. त्यामुळे संबंधित अधिकाऱ्यांनी तातडीने कारवाई करून नागरिकांचा विश्वास संपादन करावा, अशी अपेक्षा व्यक्त होत आहे.

📌 स्थानिक प्रश्नांवर सडेतोड बातम्या वाचा — dainiklatestnews.in