🔥 30 वर्षांनंतर संतोष चौधरींचे पालिकेत दमदार ‘कमबॅक’✨ भुसावळ उपनगराध्यक्षपदी शैलजा नारखेडे यांची निवड

🚫 बोगस कामांना थारा नाही – माजी आमदार संतोष चौधरींची ठाम भूमिका

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ | प्रतिनिधी ✍️ इम्रान खान

भुसावळ नगरपालिकेच्या उपनगराध्यक्ष पदासाठी गुरुवारी झालेली निवड प्रक्रिया राजकीयदृष्ट्या अत्यंत चुरशीची ठरली. भाजपाकडे स्पष्ट संख्याबळ असतानाही उपनगराध्यक्षांची निवड बिनविरोध होईल, अशी शक्यता अखेर धूसर ठरली. राष्ट्रवादी शरदचंद्र पवार गट व भाजपाकडून उमेदवारी दाखल झाल्याने अखेर हात उंचावून मतदान घेण्यात आले. या निवडणुकीत भाजपाच्या शैलजा पुरूषोत्तम नारखेडे यांनी बाजी मारत उपनगराध्यक्षपद पटकावले.

✋ हात उंचावून मतदानाचा निर्णय

राष्ट्रवादी गटनेते सचिन चौधरी यांनी बॅलेट पेपरद्वारे मतदान घेण्याची मागणी केली होती. मात्र मुख्याधिकारी राजेंद्र फातले यांनी नियम वाचून दाखवत उपनगराध्यक्ष निवडीसाठी हात उंचावून मतदान होणार असल्याचे स्पष्ट केले.

मतदानात शैलजा नारखेडे यांना 32 मते, तर राष्ट्रवादी शरद पवार गटाच्या सुनीता कृष्णधन कर यांना 15 मते मिळाली. त्यामुळे शैलजा नारखेडे यांची उपनगराध्यक्षपदी अधिकृत घोषणा करण्यात आली.

👥 कोण कुणाच्या बाजूने?

▪️ राष्ट्रवादी शरद पवार गटातील 14 नगरसेवक
▪️ अपक्ष नगरसेवक राज विजय चौधरी
➡️ सुनीता कर यांच्या बाजूने
▪️ भाजपाचे 27 नगरसेवक
▪️ राष्ट्रवादी अजित पवार गट, शिवसेना शिंदे गट व अपक्ष – 5
➡️ शैलजा नारखेडे यांच्या बाजूने

⚖️ चार नगरसेवक तटस्थ

या निवडणुकीत काँग्रेसच्या काजल मोरे, रोहन सूर्यवंशी तसेच अपक्ष आसीफ खान व मानवी आहुजा यांनी तटस्थ भूमिका घेत सभागृहाचे लक्ष वेधले.

🎤 व्यासपीठावर मान्यवरांची उपस्थिती

निवड प्रक्रिया गुरुवारी दुपारी 12 वाजता प्रांताधिकारी कार्यालयात पार पडली. यावेळी व्यासपीठावर —
नगराध्यक्षा गायत्री भंगाळे,
मुख्याधिकारी राजेंद्र फातले,
उपमुख्याधिकारी परवेज शेख,
ओएस अजित भट उपस्थित होते.

📰 पत्रकारांचा शॉल–पुष्पगुच्छ देऊन सत्कार

या निवड सभेतील एक विशेष आणि उल्लेखनीय बाब म्हणजे, सभेला उपस्थित असलेल्या प्रिंट मीडिया व इलेक्ट्रॉनिक मीडियाच्या पत्रकारांचा शाल व पुष्पगुच्छ देऊन सन्मान करण्यात आला.
नगरपालिकेच्या इतिहासात पहिल्यांदाच नवनिर्वाचित नगराध्यक्षा गायत्री भंगाळे व मुख्याधिकारी राजेंद्र फातले यांनी अधिकृत सभेत पत्रकारांचा सन्मान केला.
लोकशाहीचा चौथा स्तंभ म्हणून पत्रकारांच्या भूमिकेचा सन्मान करत घेतलेला हा निर्णय पत्रकार वर्गात समाधान व्यक्त करणारा ठरला.

👩‍💼 तीन टर्मची नगरसेविका

नव्या उपनगराध्यक्षा शैलजा नारखेडे या तिसऱ्यांदा नगरसेविका म्हणून निवडून आल्या आहेत.
▪️ 2011, 2016 आणि 2025 मध्ये विजय
▪️ पती पुरूषोत्तम नारखेडे – 1996 व 2005 मध्ये नगरसेवक

🧩 लेवा समाजाला प्रतिनिधित्व : भाजपाची डॅमेज कंट्रोल रणनीती

पालिकेच्या अलीकडील निवडणुकीत भाजपाला बसलेल्या अनपेक्षित धक्क्यानंतर, तसेच लेवा समाजाची मते विरोधात गेल्यानंतर, लेवा समाजाला प्रतिनिधित्व देण्याचा प्रयत्न येथे स्पष्टपणे दिसून येतो.
▪️ महिला उपनगराध्यक्ष – लेवा समाज
▪️ तिन्ही स्वीकृत नगरसेवक – लेवा समाज
👉 आगामी निवडणुकांच्या पार्श्वभूमीवर मंत्री सावकारेंची राजकीय दूरदृष्टी येथे अधोरेखित होते.

👥 पाच स्वीकृत नगरसेवकांची निवड

▪️ भाजपा – नितीन बाबूराव धांडे, डॉ. प्रसाद वासुदेव बोंडे, संजयकुमार सुशीलकुमार नाहाटा
▪️ शिवसेना–राष्ट्रवादी–अपक्ष – संतोष दाढी चौधरी
▪️ राष्ट्रवादी शरद पवार गट – माजी आमदार संतोष चौधरी

🔥 30 वर्षांनंतर संतोष चौधरींचे पालिकेत ‘कमबॅक’

स्वीकृत नगरसेवकपदी निवड झाल्यानंतर माजी आमदार संतोष चौधरी यांनी माध्यमांशी संवाद साधत ठाम शब्दांत भूमिका मांडली.

“पालिकेत आता कुठल्याही प्रकारच्या बोगस कामांना वा बिलांना थारा दिला जाणार नाही. सर्वधर्म समभाव जपत शांतता व विकास हाच आमचा अजेंडा असेल.

🕰️ राजकीय प्रवास थोडक्यात

▪️ 1991 – प्रथमच नगरसेवक
▪️ सलग तीन टर्म – 1991, 1996, 2001
▪️ 1994 – उपनगराध्यक्ष
▪️ 1998 – नगराध्यक्ष
▪️ 2026 – तब्बल 30 वर्षांनंतर पालिकेत पुनरागमन

🏙️ शहराचा चेहरा-मोहरा बदलणार

चौधरी म्हणाले की, नव्या उपनगराध्यक्षा शैलजा नारखेडे यांचे अभिनंदन करत दर्जेदार विकासावर भर दिला जाईल. जनतेने दिलेल्या कौलाचा आदर ठेवून समस्या सोडवण्यासाठी आम्ही कटिबद्ध आहोत.

🏥 26 जानेवारीला पालिकेचे स्थलांतर

नगराध्यक्षा गायत्री भंगाळे यांनी चौधरी यांचा सत्कार केला. यावेळी चौधरी यांनी कोंडवाड्यातील नगरपालिका कार्यालय 26 जानेवारी रोजी नगरपालिकेच्या रुग्णालयात स्थलांतरित होणार असल्याची माहिती दिली.

⚠️ राज्यगीताचा अपमान : जनभावना संतप्त

निवड प्रक्रियेपूर्वी राष्ट्रगीत व राज्यगीत मोबाईलवर लावण्यात आले. मात्र राज्यगीत सुरू असताना तीन वेळा आवाज बंद पडल्याने नागरिकांमध्ये संतप्त प्रतिक्रिया उमटल्या.
मुख्याधिकारी राजेंद्र फातले यांनी संबंधितावर कारवाई व नोटीस बजावली जाईल, असे स्पष्ट केले.

📰 एकूणच, भुसावळ नगरपालिकेतील ही निवड प्रक्रिया केवळ उपनगराध्यक्ष निवडीपुरती मर्यादित न राहता, राजकीय समीकरणे, सामाजिक प्रतिनिधित्व, पत्रकार सन्मान आणि आगामी कारभाराची दिशा ठरवणारी ठरली आहे.