🎨✨ रंगांच्या विश्वात इकरा पब्लिक शाळेचा उज्ज्वल ठसा ✨🎨

SARDAR NETWORK 24×7 – DAINIK LATEST NEWS (सच आपकी जुबानी) जळगाव | प्रतिनिधी :

येथील इकरा पब्लिक शाळेच्या विद्यार्थ्यांनी राज्य शासनाच्या वतीने घेण्यात आलेल्या रेखाकला एलिमेंटरी व इंटरमिजिएट चित्रकला ग्रेड परीक्षा सन २०२५-२६ मध्ये उल्लेखनीय कामगिरी करत शाळेच्या शिरपेचात मानाचा तुरा खोवला आहे. विद्यार्थ्यांच्या या यशामुळे शाळेचे नाव जिल्ह्यात गौरवाने घेतले जात आहे.

एलिमेंटरी रेखाकला परीक्षेसाठी बसलेल्या १६ विद्यार्थ्यांपैकी १३ विद्यार्थी उत्तीर्ण झाले असून शाळेचा ८१.२५ टक्के निकाल लागला आहे. त्याचप्रमाणे इंटरमिजिएट रेखाकला परीक्षेत ०५ पैकी ०५ विद्यार्थी उत्तीर्ण होत शाळेने १०० टक्के निकाल प्राप्त केला आहे. या नेत्रदीपक यशामुळे इकरा पब्लिक शाळेच्या कला शिक्षणाची गुणवत्ता अधोरेखित झाली आहे.

या यशामागे शाळेचे कला शिक्षक शफीक अंसारी यांच्या कुशल मार्गदर्शनाखाली साजीद खान, ईशतियाक अहमद, दानिश अहमद या शिक्षकवृंदाचे मोलाचे योगदान लाभले. तसेच कासिम शेख यांनीही विद्यार्थ्यांना सातत्याने प्रोत्साहन देत त्यांची कला अधिक विकसित होण्यासाठी विशेष मेहनत घेतली.

एलिमेंटरी व इंटरमिजिएट या दोन्ही चित्रकला ग्रेड परीक्षा उत्तीर्ण झालेल्या विद्यार्थ्यांना आगामी एसएससी परीक्षेत वाढीव गुणांची सवलत मिळणार असल्याने त्यांच्या शैक्षणिक प्रगतीस मोठा लाभ होणार आहे. यामुळे विद्यार्थ्यांचा आत्मविश्वास वाढण्यास मदत होणार आहे.

या सर्व यशस्वी विद्यार्थ्यांचे तसेच मार्गदर्शक शिक्षकांचे शाळा व्यवस्थापन समिती व पालक वर्गाने मनःपूर्वक अभिनंदन केले असून त्यांच्या पुढील शैक्षणिक व कलात्मक वाटचालीसाठी शुभेच्छांचा वर्षाव केला आहे. 🌟🎉