🚆 🚨 GM येणार भुसावळ रेल्वे विभागात; प्रशासनात उडाला हडबडाट!🔥

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ मंडळ विशेष | हबीब चव्हाण

मध्य रेल्वेचे महाव्यवस्थापक (GM/CR) यांचा २ जुलै २०२६ रोजी भुसावळ रेल्वे विभागाच्या महत्त्वपूर्ण निरीक्षण दौऱ्याचे नियोजन करण्यात आले असून, या दौऱ्यात खंडवा ते मनमाडदरम्यान विविध रेल्वे स्थानके, पूल, यार्ड, कार्यशाळा आणि सुरू असलेल्या विकासकामांची सखोल पाहणी करण्यात येणार आहे. या दौऱ्यामुळे संपूर्ण भुसावळ विभागातील रेल्वे प्रशासनात तयारीला वेग आला असून अधिकारी व कर्मचाऱ्यांमध्ये चांगलीच धावपळ सुरू झाली आहे.

प्रस्तावित मिनिट टू मिनिट कार्यक्रमानुसार, महाव्यवस्थापक १ जुलैच्या रात्री मुंबई सीएसएमटी येथून पंजाब मेल (१२१३७) किंवा कोलकाता मेल (१२३२२) द्वारे रवाना होऊन २ जुलै रोजी सकाळी खंडवा येथे पोहोचणार आहेत.

🚉 खंडवा स्टेशन पुनर्विकासाची होणार पाहणी

सकाळी ८.३० ते ९.०० या वेळेत महाव्यवस्थापक खंडवा रेल्वे स्थानक आणि स्टेशन पुनर्विकास (Redevelopment) प्रकल्पाची पाहणी करतील. त्यानंतर विशेष निरीक्षण कोच (SPIC) मधून पुढील दौऱ्याला सुरुवात होईल.

🌉 अबना पूल आणि बुरहानपूर स्टेशनवर विशेष लक्ष

सकाळी ९.३० ते ९.३५ या वेळेत अबना रेल्वे पुलाची पाहणी करण्यात येईल. त्यानंतर १०.४० ते ११.१० या वेळेत बुरहानपूर रेल्वे स्थानकाची पाहणी तसेच प्रस्तावित तिसरी व चौथी रेल्वे मार्ग (3rd/4th Line) प्रकल्पाचा आढावा घेतला जाणार आहे.

🚄 भुसावळमध्ये MEMU शेड आणि यार्ड विभाजन प्रकल्पाची समीक्षा

महाव्यवस्थापक दुपारी १२.१० ते १.१० या वेळेत भुसावळ येथील MEMU शेड, रनिंग रूम तसेच अप आणि डाऊन लाईन यार्ड विभाजन (Yard Separation) प्रकल्पाच्या कामांची सखोल समीक्षा करतील. त्यानंतर १.१५ ते १.४५ या वेळेत खुला वेळ (Open Time) राखीव ठेवण्यात आला आहे.

🚧 एलएचएस आणि हिरापूर यार्डाचीही होणार तपासणी

दुपारी २.५० ते ३.०० या वेळेत पारधाडे (कि.मी. ३८६/२५-२७) येथे लेव्हल क्रॉसिंग क्रमांक १३६ ऐवजी उभारण्यात येणाऱ्या एलएचएस (Limited Height Subway) ची पाहणी करण्यात येणार आहे.

त्यानंतर ३.५७ ते ४.१२ या वेळेत हिरापूर यार्ड आणि गँग हट यांचे निरीक्षण केले जाईल.

🏗️ मनमाड कार्यशाळा आणि एआरटीचीही पाहणी

दौऱ्याच्या अंतिम टप्प्यात सायंकाळी ५.०० ते ५.४५ या वेळेत मनमाड येथील सिव्हिल इंजिनिअरिंग कार्यशाळेची पाहणी केली जाईल. त्यानंतर ५.४५ ते ६.०० या वेळेत अपघात निवारण रेल्वे रेक (ART – Accident Relief Train) ची तपासणी करून दौऱ्याची सांगता होईल.

🚨 रेल्वे प्रशासनात तयारीला वेग

महाव्यवस्थापकांच्या या महत्त्वपूर्ण दौऱ्याच्या पार्श्वभूमीवर संबंधित सर्व रेल्वे स्थानके, विभाग, यार्ड आणि कार्यशाळांमध्ये स्वच्छता, सुरक्षा आणि विकासकामांचा आढावा घेण्याची तयारी युद्धपातळीवर सुरू झाली आहे. या दौऱ्यात विविध विकासकामांच्या प्रगतीचा आढावा घेऊन आवश्यक त्या सूचना आणि निर्देश दिले जाण्याची शक्यता व्यक्त केली जात आहे.

रेल्वेच्या पायाभूत सुविधा, प्रवासी सेवा, सुरक्षा व्यवस्था आणि प्रलंबित प्रकल्पांच्या अंमलबजावणीसाठी हा दौरा अत्यंत महत्त्वाचा मानला जात असून, भुसावळ रेल्वे विभागासाठी तो निर्णायक ठरण्याची शक्यता आहे.