🌧️💧 हतनूर धरणाच्या पाणलोट क्षेत्रात मुसळधार पाऊस; जलसाठ्यात वाढीची चिन्हे, धरण 56.29 टक्के भरले!

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका | प्रतिनिधी :- इम्रान खान

खानदेशासह मध्य प्रदेशातील हतनूर धरणाच्या पाणलोट क्षेत्रात गेल्या 24 तासांत समाधानकारक पावसाची नोंद झाली असून धरणातील जलसाठ्यात वाढ होण्याची शक्यता निर्माण झाली आहे. विशेषतः बऱ्हाणपूर परिसरात 85.4 मिमी तर देढतलाई येथे 63.8 मिमी पाऊस झाल्याने धरण क्षेत्रात पाण्याची आवक वाढण्याची अपेक्षा व्यक्त केली जात आहे.

💧 25 जून 2026 रोजी सकाळी 8 वाजेपर्यंतच्या

आकडेवारीनुसार, हतनूर धरणाची पाणीपातळी 210.610 मीटर इतकी नोंदविण्यात आली आहे. धरणाची पूर्ण जलसाठा पातळी (FRL) 214.000 मीटर आहे.

📊 धरणातील सद्यस्थिती

🔹 एकूण (Gross) जलसाठा : 218.40 दशलक्ष घनमीटर (Mm³)
🔹 जलसाठ्याची टक्केवारी : 56.29%
🔹 उपयुक्त (Live) जलसाठा : 85.40 दशलक्ष घनमीटर (Mm³)
🔹 उपयुक्त जलसाठा टक्केवारी : 33.49%

🚰 पाण्याचा विसर्ग

🔸 रेडियल गेटद्वारे विसर्ग : शून्य
🔸 रेडियल गेट उघडणे : शून्य
🔸 कालव्याद्वारे विसर्ग : 2.83 क्युसेक (100 क्युसेक)
🔸 आर.एस. गेटद्वारे विसर्ग : 22.65 क्युमेक्स (800 क्युसेक)

🌧️ पाणलोट क्षेत्रातील पावसाची नोंद (मागील 24 तास)

📍 बऱ्हाणपूर – 85.4 मिमी
📍 देढतलाई – 63.8 मिमी
📍 गोपालखेडा – 0.6 मिमी
📍 लखपुरी – 41.4 मिमी
📍 अकोला – 1.4 मिमी

➡️ एकूण पर्जन्यमान : 192.6 मिमी

☔ धरण परिसरातील पाऊस
🌧️ आजचा पाऊस : 19 मिमी
🌧️ हंगामातील एकूण पाऊस : 24 मिमी

📌 प्रशासनाचे लक्ष आवकेकडे

सध्या धरणाचे रेडियल गेट बंद ठेवण्यात आले असून पाण्याचा विसर्ग नियमित पद्धतीने सुरू आहे. पाणलोट क्षेत्रात पावसाचा जोर कायम राहिल्यास आगामी काही दिवसांत धरणातील जलसाठ्यात लक्षणीय वाढ होण्याची शक्यता व्यक्त केली जात आहे. त्यामुळे शेतकरी आणि नागरिकांमध्ये समाधानाचे वातावरण निर्माण झाले आहे.