🌳💚 “एक पेड़ माँ के नाम” उपक्रमाने शैक्षणिक वर्षाची सुरुवात; विद्यार्थ्यांना पर्यावरण संवर्धनाचा संदेश 💚🌳

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका (प्रतिनिधी) : इम्रान खान

भुसावळ तालुक्यातील नेहरू विद्या मंदिर, तळवेल येथे नवीन शैक्षणिक वर्षाच्या पहिल्याच दिवशी पर्यावरण संवर्धनाचा प्रेरणादायी संदेश देत “एक पेड़ माँ के नाम” या उपक्रमाचे उत्साहात आयोजन करण्यात आले. यावेळी शाळेचे मुख्याध्यापक एस. एस. अहिरे यांनी विद्यार्थ्यांसमोर वृक्षारोपण करून उपक्रमाची सुरुवात केली.

🌿 या उपक्रमांतर्गत प्रत्येक विद्यार्थ्याने आपल्या आईच्या सन्मानार्थ किमान एक झाड लावावे आणि त्याचे संगोपन करण्याची जबाबदारी स्वीकारावी, असे आवाहन करण्यात आले. वाढत्या हवामान बदलाच्या पार्श्वभूमीवर पर्यावरण संरक्षणासाठी वृक्षारोपण आणि वृक्षसंवर्धन किती महत्त्वाचे आहे, याची जाणीव विद्यार्थ्यांना करून देण्यात आली.

🌍 मुख्याध्यापक एस. एस. अहिरे यांनी मार्गदर्शन करताना सांगितले की, “एक पेड़ माँ के नाम” हा उपक्रम केवळ झाडे लावण्यापुरता मर्यादित नसून, त्या झाडांचे संगोपन करून पर्यावरणाबद्दल दीर्घकालीन जबाबदारी निर्माण करणे हे त्यामागील मुख्य उद्दिष्ट आहे.

💚 “एक पेड़ माँ के नाम, माँ का सम्मान – प्रकृती का अभिमान” हा संदेश देत विद्यार्थ्यांना पर्यावरण रक्षणासाठी पुढाकार घेण्याचे आवाहन करण्यात आले. आई जसे आपल्या मुलांचे प्रेमाने संगोपन करते, त्याचप्रमाणे प्रत्येकाने एका झाडाचे संगोपन करून पृथ्वीच्या संरक्षणात आपला सहभाग नोंदवावा, असेही त्यांनी नमूद केले.

🌳 या उपक्रमामुळे विद्यार्थ्यांमध्ये पर्यावरण संरक्षणाची जाणीव निर्माण होण्यास मदत होणार असून हरित क्षेत्र वाढविणे, हवामान बदलाचा सामना करणे आणि स्वच्छ, सुंदर व निरोगी पर्यावरणाची निर्मिती करणे या उद्दिष्टांना बळ मिळणार आहे.

✨ शाळेच्या पहिल्याच दिवशी झालेल्या या उपक्रमामुळे विद्यार्थ्यांमध्ये उत्साहाचे वातावरण निर्माण झाले असून पर्यावरण संवर्धनाचा संदेश समाजापर्यंत पोहोचविण्याचा प्रयत्न करण्यात आला.