🚨 भुसावळ पोलिसांची मोठी कामगिरी! १५ लाखांचे १०९ गहाळ मोबाईल नागरिकांना परत 📱👏

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ प्रतिनिधी  | इम्रान खान : ✍️

नागरिकांचे हरवलेले आणि चोरीस गेलेले मोबाईल शोधून त्यांना पुन्हा त्यांच्या मालकांच्या हाती सुपूर्द करत जळगाव जिल्हा पोलिसांनी उल्लेखनीय कामगिरी बजावली आहे. भुसावळ उपविभागीय पोलीस कार्यालयात आयोजित विशेष कार्यक्रमात तब्बल १५ लाख १९ हजार ४९८ रुपये किंमतीचे १०९ मोबाईल नागरिकांना परत करण्यात आले. 📱✨

या कार्यक्रमाला प्रमुख उपस्थिती म्हणून श्रीकांत धिवरे आणि संदीप गावीत उपस्थित होते. त्यांच्या हस्ते मोबाईल नागरिकांना सन्मानपूर्वक सुपूर्द करण्यात आले.

📍 भुसावळ व मुक्ताईनगर उपविभागातील मोठी कारवाई

भुसावळ उपविभागातील शहर, बाजारपेठ, तालुका तसेच नशिराबाद पोलीस स्टेशन हद्दीतून हरवलेले एकूण ६८ मोबाईल शोधण्यात पोलिसांना यश आले. या मोबाईलची अंदाजे किंमत ९ लाख ४४ हजार ४९८ रुपये इतकी आहे.

तर मुक्ताईनगर उपविभागातील मुक्ताईनगर, बोदवड, वरणगाव आणि सावदा पोलीस स्टेशन हद्दीतून एकूण ४१ मोबाईल हस्तगत करण्यात आले असून त्यांची किंमत अंदाजे ५ लाख ७५ हजार रुपये इतकी आहे. हे सर्व मोबाईल संबंधित नागरिकांना परत देण्यात आले. ✅

🪖 पोलिसांसह पत्रकारांनाही हेल्मेट वाटप

कार्यक्रमात केवळ नागरिकांच्या मालमत्तेचे रक्षणच नव्हे, तर पोलिसांच्या वैयक्तिक सुरक्षिततेलाही प्राधान्य देण्यात आले. भुसावळ उपविभागातील ४५ पोलीस अंमलदार तसेच ०५ पत्रकार बांधवांना हेल्मेटचे वाटप करण्यात आले. 🛵🪖

हे हेल्मेट वाटप खालील वाहन शोरूम व्यवस्थापकांच्या सौजन्याने करण्यात आले :

योगेश चंदन – BAJAJ शोरूम
दंपेश फेगडे – Pankaj TVS
दिपक पांडे – HONDA
सुहास बि-हाडे – SUZUKI
शुभम परदेशी – ROYAL ENFIELD

🏢 नव्या सुसज्ज दालनाचे उद्घाटन

यावेळी उपविभागीय पोलीस अधिकारी कार्यालयाच्या नव्या सुसज्ज दालनाचे उद्घाटनही पोलीस अधीक्षकांच्या हस्ते करण्यात आले. 🎀

👮‍♂️ मान्यवरांची उपस्थिती

कार्यक्रमास प्रशिक्षणार्थी उपअधीक्षक प्रशांत दरेकर, पोलीस निरीक्षक उद्धव डमाळे, राहुल वाघ, महेश गायकवाड यांच्यासह भुसावळ उपविभागातील सर्व दुय्यम अधिकारी, ५० हून अधिक पोलीस कर्मचारी, पत्रकार आणि नागरिक मोठ्या संख्येने उपस्थित होते.

📌 कार्यक्रमाचे आयोजन उपविभागीय पोलीस अधिकारी केदार बोरबोले यांच्या मार्गदर्शनाखाली करण्यात आले.