💊🚫 ऑनलाईन औषध विक्रीविरोधात सोयगाव तालुका बंद; सर्व औषध दुकाने बंद, रुग्णांची गैरसोय

SARDAR NETWORK 24×7 – DAINIK LATEST NEWS (सच आपकी जुबानी)  📍सोयगाव प्रतिनिधी | अप्पा वाघ

ऑनलाईन औषध विक्री बंद करावी तसेच विविध मागण्यांसाठी सोयगाव तालुका केमिस्ट अँड ड्रगिस्ट असोसिएशनच्या वतीने बुधवारी (ता.२०) एक दिवसीय बंद पुकारण्यात आला होता. या बंदला तालुक्यात उत्स्फूर्त प्रतिसाद मिळाला असून दिवसभर सर्व औषध दुकाने बंद ठेवण्यात आली होती.

या आंदोलनाच्या पार्श्वभूमीवर सकाळी ११ वाजता सोयगाव तहसील कार्यालयात नायब तहसीलदार राहुल पत्रिके यांना विविध मागण्यांचे निवेदन सादर करण्यात आले.

💬 यावेळी ऑनलाईन औषध विक्रीमुळे छोट्या औषध विक्रेत्यांचे अस्तित्व धोक्यात आले असून शासनाने तत्काळ यावर बंदी घालावी, अशी मागणी करण्यात आली. तसेच औषध विक्री संदर्भातील विविध नियमांबाबत शासनाने स्पष्ट भूमिका घ्यावी, अशीही मागणी करण्यात आली.

📌 या प्रसंगी सोयगाव तालुका केमिस्ट अँड ड्रगिस्ट असोसिएशनचे अध्यक्ष संजय शहापूरकर, दिनेश पंडित, नितीन चव्हाण, अनिकेत सोनवणे, मयुर राऊत, रवींद्र जाधव, परवेझ देशमुख, मंजूर पटेल, साद देशमुख, नावेद देशमुख, विकास मंडवे, गणेश पाटील, अमोल पाखरे, विनोद सोहनी यांच्यासह तालुक्यातील अनेक औषध विक्रेते उपस्थित होते.

🏥 दरम्यान, आजच्या बंदमुळे तालुक्यातील आरोग्य व्यवस्था पूर्णपणे शासकीय आरोग्य विभागावर अवलंबून होती. सोयगाव ग्रामीण रुग्णालयासह तालुक्यातील तिन्ही प्राथमिक आरोग्य केंद्रांमध्ये उपचारासाठी येणाऱ्या रुग्णांची संख्या वाढल्याचे चित्र दिसून आले. मात्र काही औषधांचा तुटवडा असल्यामुळे रुग्णांना मोठ्या गैरसोयीला सामोरे जावे लागले.

⚠️ औषध दुकाने बंद असल्याने अनेक रुग्ण व त्यांच्या नातेवाईकांची चांगलीच तारांबळ उडाल्याचे पाहायला मिळाले.