📰 तापीतीर ओलांडत संत मुक्ताईंच्या पादुकांचे कुंभारखेड्यात आगमन! 📰

SARDAR NETWORK 24×7 – DAINIK LATEST NEWS (सच आपकी जुबानी)  सावदा (ता. रावेर) | प्रतिनिधी :- मुबारक तडवी

रावेर तालुक्यातील कुंभारखेडा येथे आदिशक्ती संत मुक्ताबाई फिरत्या नारळी सप्ताहाला मंगळवारपासून भव्य सुरुवात झाली असून, धार्मिक उत्साहाने परिसर भारावून गेला आहे. विशेष म्हणजे, संत मुक्ताईंच्या पादुका प्रथमच तापीतीर ओलांडून केळीपट्ट्यामध्ये दाखल झाल्याने या सोहळ्याला ऐतिहासिक महत्त्व प्राप्त झाले आहे. 🌊🌿

सोमवारी रात्री संत मुक्ताईंच्या पादुका सप्ताहस्थळी दाखल झाल्यानंतर मंगळवारी सकाळी विशेष सजवलेल्या गाभाऱ्यात त्यांचे विधिवत पूजन करण्यात आले. त्यानंतर पंचपदीने सप्ताहाची सुरुवात झाली. दीपप्रज्वलन महामंडलेश्वर जनार्दन हरिजी महाराज यांच्या हस्ते करण्यात आले. 🪔

यानंतर ग्रंथराज ज्ञानेश्वरीचे पूजन करून पारायणाला प्रारंभ झाला. पहिल्याच दिवशी तब्बल ७०० भाविकांनी पारायणात सहभाग नोंदवला, त्यात सुमारे ६०० महिलांचा समावेश असल्याने महिला भक्तांचा मोठा प्रतिसाद पाहायला मिळाला. 👩‍🦰📿

या प्रसंगी व्यासपीठावर रवींद्र हरणे, मुक्ताई संस्थानचे अध्यक्ष रवींद्र पाटील, नरेंद्र नारखेडे, उद्धव महाराज जुनारे, भरत महाराज, पांडुरंग सराफ, संदीप महाराज खामनीकर, गोपाळ महाराज, महाराज विवरेकर, दुर्गादास महाराज आदी मान्यवर उपस्थित होते. 🎤

📅 सप्ताहाचे दैनंदिन नियोजन

सप्ताह सोहळा पुढील सात दिवस विविध धार्मिक कार्यक्रमांनी रंगणार आहे:

⏰ सकाळी ५ ते ७ : काकडा आरती व विष्णूसहस्त्रनाम
⏰ ७ ते १० : ज्ञानेश्वरी पारायण
⏰ १० ते १२ : कीर्तन
⏰ दुपारी ३ ते ५ : ज्ञानेश्वरी चिंतन
⏰ सायं. ५ ते ६ : हरिपाठ
⏰ रात्री ८ ते १० : कीर्तन

बुधवारी (दि.१८) सकाळी अनिल पाटील (बार्शी) यांचे, तर रात्री अमृताश्रम स्वामी महाराज जोशी (बीड) यांचे कीर्तन होणार आहे. 🎶

🏥 मोफत आरोग्य शिबिराचे आयोजन

या सप्ताहानिमित्त मुख्यमंत्री सहायता निधी, धर्मादाय रुग्णालय मदत कक्ष आणि संतपथ चॅरिटेबल ट्रस्ट यांच्या पुढाकारातून मोफत आरोग्य शिबिराचे आयोजन करण्यात आले आहे.

📍 ठिकाण : कुंभारखेडा फाटा, रावेर रोड
📅 कालावधी : १७ ते २४ मार्च
⏰ वेळ : सकाळी १० ते सायं. ५

या शिबिरात रक्तदाब, मधुमेह, ईसीजी, सीबीसी, मलेरिया, टायफॉईड, लिव्हर व किडनी तपासणी, कॅल्शियम, कोलेस्ट्रॉल तसेच लघवी तपासणी आदी विविध चाचण्या व उपचार करण्यात येणार आहेत. 🩺

🧠 तरुणाईसाठी ज्ञानेश्वरी चिंतन

सप्ताहादरम्यान तरुणांसाठी विशेष ज्ञानेश्वरी चिंतन सत्रांचे आयोजन करण्यात आले आहे:

📅 १८ ते २० मार्च : अॅड. जयवंत महाराज बोधले
📅 २१ ते २३ मार्च : चैतन्य महाराज देगलुरकर (पंढरपूर)
यासह २३ मार्च रोजी महंत रामगिरी महाराज (योगीराज सद्गुरु गंगागिरी महाराज परंपरा, सरला बेट) विशेष उपस्थिती देऊन मार्गदर्शन करणार आहेत. 🌼

या भव्य धार्मिक सप्ताहामुळे कुंभारखेडा परिसरात भक्तीमय वातावरण निर्माण झाले असून, मोठ्या संख्येने भाविकांची उपस्थिती लक्षवेधी ठरत आहे. 🙏✨