🚨🇮🇳 गणतंत्र दिनालाही राजकारण! भुसावळ नगरपरिषदेत ५० वर्षांची परंपरा मोडीत — भाजप गटनेते युवराज लोणारी यांचा तीव्र निषेध 🔥

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️ इम्रान खान

देशाचा २६ जानेवारी गणतंत्र दिवस हा राष्ट्रीय एकात्मतेचा व अभिमानाचा दिवस असताना, भुसावळ नगरपरिषदेत मात्र यंदा राजकीय कुरघोडी पाहायला मिळत असल्याचा गंभीर आरोप भाजप गटनेते व नगरसेवक युवराज दगडू लोणारी यांनी केला आहे.

लोणारी यांनी प्रसिद्धीस दिलेल्या निवेदनात सांगितले की, भुसावळ नगरपरिषदेत गेल्या तब्बल ५० वर्षांपासून अखंड सुरू असलेली ध्वजारोहणाची परंपरा यंदा मोडीत काढण्यात आली आहे. आतापर्यंत मुख्य कार्यालयात नगराध्यक्ष, पाणीपुरवठा केंद्रात जलनिस्सारण सभापती, नगरपालिकेच्या दवाखान्यात आरोग्य समिती सभापती तसेच द. शि. विद्यालय व म्युनिसीपल हायस्कूलमध्ये शिक्षण सभापती व उपनगराध्यक्ष यांच्या हस्ते ध्वजारोहण होत असे.

मात्र यावर्षी नगराध्यक्ष गायत्री गौर यांनी द. शि. विद्यालय व म्युनिसीपल हायस्कूल येथे स्वतःच्या हस्ते ध्वजारोहण करण्याचे आदेश काढून ही दीर्घकालीन परंपरा धाब्यावर बसवल्याचा आरोप लोणारी यांनी केला आहे.

“गणतंत्र दिनासारख्या पवित्र दिवशीही राजकारण व कुरघोडी करणे अत्यंत निषेधार्ह आहे. मनाचा मोठेपणा न दाखवता छोट्या मनोवृत्तीचे दर्शन घडवले गेले आहे. पडद्यामागील ‘शुक्राचार्यां’च्या चुकीच्या मार्गदर्शनामुळे असे आदेश काढण्यात आले,” अशी घणाघाती टीका लोणारी यांनी केली.

सभापतींना त्यांच्या अधिकारापासून वंचित ठेवण्याचा हा प्रकार असून, या निर्णयाचा तीव्र निषेध करत असल्याचे त्यांनी स्पष्ट केले.
तथापि, “आम्हाला देशाबद्दल अभिमान आहे. त्यामुळे सर्व मतभेद बाजूला ठेवून भाजपचे सर्व गट सदस्य ध्वजारोहण कार्यक्रमाला उपस्थित राहणार आहेत,” असेही लोणारी यांनी ठामपणे सांगितले.

या प्रकारामुळे भुसावळ नगरपरिषदेत राजकीय वातावरण तापले असून, गणतंत्र दिनाच्या पूर्वसंध्येला मोठा वाद निर्माण झाला आहे.
🔥🇮🇳 गणतंत्र दिन हा राजकारणाचा नाही — देशप्रेमाचा दिवस आहे!