🚨🕯️ अमळनेर हादरले! ज्युनिअर कॉलेजच्या प्राध्यापकांचा भीषण अपघातात दुर्दैवी मृत्यू 💔🏍️

SARDAR NETWORK 24×7 – DAINIK LATEST NEWS (सच आपकी जुबानी) 📍 अमळनेर तालुका | प्रतिनिधी : मुन्ना शेख

अमळनेर शहरातील शैक्षणिक क्षेत्राला धक्का देणारी घटना शनिवारी (दि. १३) दुपारी घडली. येथील जय योगेश्वर ज्युनिअर कॉलेजचे प्राध्यापक अनिल दयाराम पाटील यांचा मोटरसायकल अपघातात दुर्दैवी मृत्यू झाला. ही घटना दुपारी सुमारे ३ वाजेच्या सुमारास ढेकू रोडवर, पोलीस स्टेशनजवळ घडल्याची माहिती समोर आली आहे.

मिळालेल्या माहितीनुसार, प्रा. अनिल पाटील हे एमएच-१९-बीएक्स-९५१३ क्रमांकाच्या मोटरसायकलने आपल्या मूळ गावी तरवाडे येथे गेले होते. गावाहून अमळनेरकडे परत येत असताना हा अपघात घडला.

🚔 अज्ञात वाहनाच्या धडकेची शक्यता

रस्त्याच्या कडेला ते गंभीर अवस्थेत पडलेले आढळून आले. प्राथमिक माहितीनुसार, एखाद्या अज्ञात वाहनाने त्यांच्या मोटरसायकलला जोरदार धडक दिल्याने हा अपघात झाला असावा, असा अंदाज व्यक्त करण्यात येत आहे. अपघात इतका भीषण होता की त्यांचा घटनास्थळीच मृत्यू झाल्याचे सांगण्यात येत आहे.

🏥 शवविच्छेदनासाठी ग्रामीण रुग्णालयात हलविले

घटनेची माहिती मिळताच पोलिसांनी घटनास्थळी धाव घेत पंचनामा केला. त्यानंतर मृतदेह पुढील वैद्यकीय व कायदेशीर प्रक्रियेसाठी अमळनेर येथील ग्रामीण रुग्णालयात शवविच्छेदनासाठी पाठविण्यात आला.

😔 शैक्षणिक क्षेत्रात शोककळा

प्रा. अनिल पाटील यांच्या अकाली निधनामुळे जय योगेश्वर ज्युनिअर कॉलेजसह शैक्षणिक, सामाजिक आणि मित्रपरिवारात हळहळ व्यक्त केली जात आहे. विद्यार्थ्यांमध्येही शोककळा पसरली असून त्यांच्या निधनाने मोठी पोकळी निर्माण झाल्याची भावना व्यक्त होत आहे.

📌 टीप : अपघाताचे नेमके कारण आणि संबंधित वाहनाबाबतची माहिती पोलिसांच्या तपासानंतर स्पष्ट होणार आहे.

🕯️ प्रा. अनिल दयाराम पाटील यांना भावपूर्ण श्रद्धांजली…