🚨 आमखेड्यात जुगार अड्ड्यांचा सुळसुळाट! पोलिसांचे ‘मूक समर्थन’ का? ग्रामस्थांचा संताप उफाळला 📰

SARDAR NETWORK 24×7 – DAINIK LATEST NEWS (सच आपकी जुबानी)  📝 सोयगाव तालुका प्रतिनिधी | अप्पा वाघ

🚨 सोयगाव तालुक्यातील आमखेडा गावात अवैध पत्ते क्लब (जुगार अड्डे) अक्षरशः बोकाळले असून, गावाच्या सामाजिक आणि नैतिक व्यवस्थेचा ऱ्हास सुरू झाल्याचे धक्कादायक वास्तव समोर आले आहे. दिवसाढवळ्या सुरू असलेल्या या अवैध धंद्यांकडे पोलीस प्रशासन जाणीवपूर्वक दुर्लक्ष करत असल्याचा गंभीर आरोप ग्रामस्थांकडून करण्यात येत आहे.

🎴 गावातील मुख्य रस्त्यालगत – फर्दापूर- सोयगाव – जरंडी मार्गावर – खुलेआम जुगार अड्डे सुरू असताना देखील पोलिसांना हे दिसत नाही का? असा संतप्त सवाल नागरिक उपस्थित करत आहेत.

😡 या अवैध जुगार अड्ड्यांमुळे अनेक कुटुंबे उद्ध्वस्त होत असून, तरुणाई आणि विद्यार्थी वर्गही या विळख्यात सापडत आहे. त्यामुळे गावात भीती आणि संतापाचे वातावरण निर्माण झाले आहे.

📢 ग्रामपंचायत सदस्य अनिल ठाकरे आणि बाळू हेमराज बेदवे यांनी ग्रामीण पोलीस अधीक्षक डॉ. विनय कुमार राठोड आणि उपविभागीय पोलीस अधिकारी दिनेश कोल्हे यांच्याकडे दिलेल्या निवेदनात थेट आरोप करत म्हटले आहे की, “स्थानिक पोलीस प्रशासनातील काहींच्या संगनमतामुळेच हे अवैध धंदे बिनधास्त सुरू आहेत.”

⚠️ विशेष म्हणजे, दि. १६ मार्च रोजी सोयगाव पोलीस ठाण्यात लेखी तक्रार देऊनही कोणतीही ठोस कारवाई करण्यात आली नसल्याने नागरिकांमध्ये तीव्र नाराजी पसरली आहे. वारंवार तक्रारी, वृत्तपत्रातील बातम्या आणि ग्रामपंचायतीचा ठराव असूनही प्रशासन निष्क्रिय असल्याचा आरोप होत आहे.

🔥 ग्रामस्थांनी आता स्पष्ट इशारा दिला आहे की, पुढील ७ दिवसांत अवैध जुगार अड्डे कायमस्वरूपी बंद करून दोषींवर कठोर कारवाई केली नाही, तर दि. २ एप्रिलपासून तहसील कार्यालय सोयगाव येथे बेमुदत उपोषण आणि तीव्र आंदोलन छेडण्यात येईल.

⚖️ या पार्श्वभूमीवर आता मोठा प्रश्न निर्माण झाला आहे – प्रशासन ग्रामस्थांच्या बाजूने उभे राहणार की अवैध धंदे चालवणाऱ्यांना पाठीशी घालणार?

🚨 आमखेडा गावातील वाढत्या अवैध जुगार अड्ड्यांमुळे कायदा-सुव्यवस्थेचा प्रश्न गंभीर बनला असून, प्रशासनाने तात्काळ कठोर कारवाई न केल्यास मोठा संघर्ष उभा राहण्याची चिन्हे स्पष्ट दिसत आहेत.