🏛️📜 छत्रपती शिवाजी महाराज महसूल अभियानाचे समाधान शिबिर खिरोदा येथे संपन्न

SARDAR NETWORK 24×7 – DAINIK LATEST NEWS (सच आपकी जुबानी) 📍 सावदा (ता. रावेर) | प्रतिनिधी – मुबारक तडवी

शासनाच्या १८ फेब्रुवारी २०२६ रोजीच्या शासन निर्णयानुसार राबविण्यात येत असलेल्या “छत्रपती शिवाजी महाराज महसूल अभियान (टप्पा – १)” अंतर्गत ८ मार्च २०२६ रोजी मोजे खिरोदा प्र. यावल महसूल मंडळात समाधान शिबिराचे आयोजन करण्यात आले. या शिबिरात विविध विभागांच्या अधिकाऱ्यांनी नागरिकांना शासनाच्या योजनांबाबत मार्गदर्शन करत अनेक शासकीय सेवा थेट गावपातळीवर उपलब्ध करून दिल्या.

या शिबिरास जिल्हा कृषी अधिकारी कुर्बान तडवी, उपविभागीय अधिकारी फैजपूर बबनराव काकडे, तहसीलदार संजय तायडे, नायब तहसीलदार आर.डी. पाटील, गणेश साळी, तालुका कृषी अधिकारी भाऊसाहेब वाळके, उपअधीक्षक भूमि अभिलेख शाखेचे रऊफ तडवी यांच्यासह विविध विभागांचे अधिकारी व कर्मचारी उपस्थित होते.

👥 ११ गावांतील ४३५ नागरिकांची उपस्थिती

या समाधान शिबिरात पाल मंडळातील ११ गावांमधून एकूण ४३५ नागरिकांनी उपस्थिती लावली. विविध शासकीय सेवा थेट गावात मिळाल्याने नागरिकांनी समाधान व्यक्त करत अशा शिबिरांचे नियोजन भविष्यातही गावपातळीवर करावे, अशी मागणी केली.

📄 शिबिरात दिले गेलेले ठळक लाभ

या शिबिराद्वारे महसूल व इतर विभागांच्या विविध सेवा नागरिकांना त्वरित उपलब्ध करून देण्यात आल्या. त्यामध्ये:

📑 एकूण फेरफार प्रकरणे निकाली – 69

📑 ७/१२ दुरुस्ती संदर्भातील अर्ज स्वीकृत – 04

📲 डिजिटल ७/१२ उतारे वितरीत – 1259

📄 ८अ उतारे वितरीत – 1326

🪪 विविध प्रमाणपत्रांचे वाटप – 226

🏢 सिंगल विंडो क्लिअरन्स अंतर्गत निकाली अर्ज – 19

🌸 महिला दिनानिमित्त नारीशक्तीचा सन्मान

यावेळी आंतरराष्ट्रीय महिला दिनाचे औचित्य साधून खिरोदा प्र. यावल मंडळातील विविध क्षेत्रात उल्लेखनीय कार्य करणाऱ्या महिलांचा सन्मानपत्र देऊन गौरव करण्यात आला.

🤝 मान्यवर व पदाधिकाऱ्यांची उपस्थिती

या शिबिराला भारत बोंडे (सरपंच कुंभारखेडा), जाबरा तडवी (उपसभापती जि.प.), नयना चौधरी (उपसरपंच), पुष्कर फेगडे (सरपंच रोझोदा), अलका बाळू महाजन (सरपंच वाघोदा बु.), राहुल चौधरी (ग्राम सदस्य), जुम्मा तडवी (ग्राम सदस्य) यांच्यासह अनेक ग्रामस्थ मोठ्या संख्येने उपस्थित होते.

✅ नागरिकांकडून समाधान व्यक्त

गावपातळीवरच शासकीय सेवा उपलब्ध झाल्याने नागरिकांना मोठा दिलासा मिळाला असून अशा प्रकारच्या समाधान शिबिरांमुळे शासनाच्या योजना थेट लोकांपर्यंत पोहोचत असल्याचे नागरिकांनी सांगितले.