🚨⚠️ भुसावळमध्ये ग्राहकाची फसवणूक?

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ | तालुका प्रतिनिधी – इम्रान खान

भुसावळ शहरातील जुना जळगाव रोडवरील होंडा अधिकृत शोरूमने ग्राहकाला सदोष दुचाकी विकल्याचा धक्कादायक प्रकार उघडकीस आला आहे. अवघ्या ८ दिवसांत नवीन ‘होंडा ॲक्टिव्हा’चे इंजिन निकामी झाल्याने ग्राहकाला मोठा त्रास सहन करावा लागला. या प्रकरणी रिपब्लिकन सेनेच्या वतीने शोरूम व्यवस्थापकांना निवेदन देत ७ दिवसांत नवीन गाडी देण्याचा अल्टिमेटम देण्यात आला आहे. अन्यथा शोरूमसमोर तीव्र आंदोलन आणि आरटीओकडे लायसन्स रद्द करण्यासाठी पाठपुरावा करण्याचा इशारा देण्यात आला आहे.

🛵 ८ दिवसांत इंजिन निकामी

मिळालेल्या माहितीनुसार, रिपब्लिकन सेनेचे कार्यकर्ते सुमित अशोक निकम यांनी ८ फेब्रुवारी २०२६ रोजी सदर शोरूममधून नवीन ‘होंडा ॲक्टिव्हा’ दुचाकी खरेदी केली होती. मात्र, अवघ्या ८ दिवसांतच गाडीचे इंजिन निकामी झाल्याचा प्रकार समोर आला.

याबाबत तक्रार घेऊन ते शोरूममध्ये गेले असता मेकॅनिकल मॅनेजर विकास शिंदे यांनी उडवाउडवीची उत्तरे देत गाडी दुरुस्तीसाठी १५ दिवसांचा कालावधी मागितला, अशी माहिती देण्यात आली आहे.

⚠️ अपघाताचा धोका टळला

दरम्यान, भररस्त्यात गाडी अचानक बंद पडल्याने मोठा अपघात घडण्याची शक्यता निर्माण झाली होती. मात्र सुदैवाने कोणतीही जीवितहानी झाली नाही. तरीही या गंभीर बाबीकडे शोरूम व्यवस्थापनाने दुर्लक्ष केल्याचा आरोप करण्यात आला आहे.

📄 शोरूमला दिला ७ दिवसांचा अल्टिमेटम

या प्रकरणी रिपब्लिकन सेनेच्या पदाधिकाऱ्यांनी शोरूम व्यवस्थापकांना निवेदन देत काही महत्त्वाच्या मागण्या मांडल्या आहेत :

उत्पादनात दोष असतानाही गाडी बदलून न देणे हा कायद्याने गुन्हा आहे.

ग्राहकाची फसवणूक केल्याप्रकरणी शोरूमवर कलम ४२० अंतर्गत गुन्हा दाखल करण्याचा इशारा.

सदोष वाहने विकणाऱ्या शोरूमचे ट्रेड सर्टिफिकेट रद्द करण्यासाठी आरटीओकडे पाठपुरावा केला जाणार.

रिपब्लिकन सेनेच्या पदाधिकाऱ्यांनी स्पष्ट इशारा देत सांगितले की,

“ग्राहकाकडून पूर्ण पैसे घेऊन त्यांना मृत्यूचा सापळा विकणाऱ्या शोरूम मालकाची मनमानी खपवून घेतली जाणार नाही. येत्या ७ दिवसांत सुमित निकम यांना नवीन कोरी गाडी व लेखी माफीनामा न मिळाल्यास रिपब्लिकन सेना आपल्या स्टाईलने शोरूमसमोर तीव्र आंदोलन करेल.”

👥 पदाधिकारी उपस्थित

यावेळी जिल्हाध्यक्ष विनोद सोनवणे, जिल्हा नेते दिनेश इखारे, सामाजिक कार्यकर्ते बंटी नरवाडे, जिल्हाध्यक्षा सौ. वंदनाताई सोनवणे, सौ. वंदनाताई आराक, श्री. देवदत्त मकासरे (मेजर) तसेच इतर पदाधिकारी उपस्थित होते.

📢 दरम्यान, या प्रकरणामुळे भुसावळमध्ये ग्राहक हक्क आणि वाहन विक्रीतील पारदर्शकतेचा प्रश्न पुन्हा ऐरणीवर आला असून पुढील काही दिवसांत या प्रकरणाला नवे वळण मिळण्याची शक्यता व्यक्त केली जात आहे.