🚨🔫 भोपालमधील गोळीबार प्रकरणातील फरार गुन्हेगार पोलिसांच्या ताब्यात 🚨🔫

SARDAR NETWORK 24×7 – DAINIK LATEST NEWS (सच आपकी जुबानी)  भुसावळ तालुका | प्रतिनिधी – इम्रान खान

भुसावळ शहरात गंभीर गुन्हा करण्याच्या उद्देशाने फिरत असलेल्या एका संशयित आरोपीला गावठी पिस्टलसह भुसावळ बाजारपेठ पोलिसांच्या डी.बी. पथकाने जेरबंद केले आहे. या आरोपीविरोधात आर्म अॅक्ट अंतर्गत गुन्हा दाखल करण्यात आला असून तो मध्यप्रदेशातील भोपाल शहरातील गोळीबार प्रकरणातील फरार आरोपी असल्याची धक्कादायक माहिती तपासात समोर आली आहे.

मिळालेल्या माहितीनुसार, पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते तसेच उपविभागीय पोलीस अधिकारी केदार बारबोले यांच्या आदेशानुसार भुसावळ शहरात अवैध शस्त्रे बाळगणाऱ्या संशयितांवर कारवाई करण्याचे निर्देश देण्यात आले होते.

🕵️ गुप्त माहितीनंतर सापळा

भुसावळ बाजारपेठ पोलीस स्टेशनचे पोलीस निरीक्षक राहुल वाघ यांच्या मार्गदर्शनाखाली डी.बी. पथकाला गुप्त माहिती मिळाली की, भुसावळ शहरातील बसस्टँड गेटजवळील रिक्षा स्टँड परिसरात एक व्यक्ती गंभीर गुन्हा करण्याच्या उद्देशाने गावठी पिस्टल घेऊन फिरत आहे.

ही माहिती मिळताच डी.बी. पथकाने तात्काळ त्या ठिकाणी सापळा रचला. संशयित व्यक्तीची तपासणी केली असता त्याच्याकडे सुमारे 35 हजार रुपये किंमतीचे लोखंडी गावठी पिस्टल व मॅगझीन आढळून आले.

👤 आरोपीची ओळख

पोलिसांनी ताब्यात घेतलेल्या आरोपीचे नाव
शादाब रईस कुरेशी (वय 35 वर्षे, रा. बाग फरहत अफजा, हुजूर सिकंदरी, भोपाल, मध्यप्रदेश) असे आहे.

त्याच्याविरोधात भुसावळ बाजारपेठ पोलीस स्टेशन येथे गु.र. नं. 121/2026 अंतर्गत आर्म अॅक्ट कलम 3/25 तसेच महाराष्ट्र पोलीस कायद्याअंतर्गत गुन्हा दाखल करण्यात आला आहे.

⚠️ भोपालमधील गोळीबार प्रकरणातील आरोपी

पोलिसांनी पुढील तपासादरम्यान भोपाल पोलिसांशी संपर्क साधला असता आरोपी भोपाल शहरातील रेकॉर्डवरील निगराणी आरोपी असल्याचे समोर आले.

तसेच 14 मार्च 2026 रोजी भोपाल येथील अशोका गार्डन पोलीस स्टेशन हद्दीत त्याने पिस्टलने एका व्यक्तीवर गोळीबार करून फरार झाल्याचा गुन्हा दाखल असल्याची माहिती मिळाली. या प्रकरणात BNS कलम 191(2), 191(3), 190, 109, 331(6), 296A, 351(2) आदी कलमानुसार गुन्हा नोंदविण्यात आला आहे.

📞 भोपाल पोलिसांना माहिती

भुसावळ पोलिसांनी आरोपीला ताब्यात घेतल्याची माहिती अशोका गार्डन पोलीस स्टेशन, भोपाल यांना देण्यात आली असून पुढील कायदेशीर प्रक्रिया सुरू आहे.

👮 तपास सुरू

या कारवाईत पोलीस उपनिरीक्षक भारती काळे, पोलीस हेड कॉन्स्टेबल विजय नेरकर, अतुल पवार, सोपान पाटील, सचिन चौधरी, महेंद्र पाटील, प्रशांत सोनार, जीवन कापडे, दिलीप कोल्हे, चंद्रकांत रायपुरकर, जावेद शहा, योगेश माळी आणि अमर अढाडे यांनी सहभाग घेतला.

या गुन्ह्याचा पुढील तपास पोलीस हेड कॉन्स्टेबल विजय बळीराम नेरकर करत आहेत.

📌 या कारवाईमुळे भुसावळ शहरात संभाव्य गंभीर गुन्हा टळल्याचे पोलिसांनी सांगितले आहे.