🚨⚠️ प्राणघातक हल्ला वरणगाव हादरले!

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका प्रतिनिधी | इम्रान खान

भुसावळ तालुक्यातील वरणगाव येथे हॉटेल आस्वादजवळ बुधवारी (दि. ११ मार्च २०२६) सकाळी सुमारे १० वाजण्याच्या सुमारास एका अज्ञात व्यक्तीने ज्येष्ठ नागरिकावर लोखंडी रॉडने हल्ला केल्याची धक्कादायक घटना घडली. या हल्ल्यात ज्ञानेश्वर भोई (वय अंदाजे ६५ वर्ष, रा. भोईवाडा, वरणगाव) हे गंभीर जखमी झाले असून त्यांच्यावर उपचार सुरू आहेत.

मिळालेल्या माहितीनुसार, अज्ञात हल्लेखोराने अचानक त्यांच्या डोक्यावर लोखंडी रॉडने जोरदार वार केला. या हल्ल्यात भोई यांच्या डोक्याला गंभीर दुखापत झाली असून मोठ्या प्रमाणात रक्तस्राव झाला. हल्ल्यानंतर ते हॉटेल आस्वादजवळील रस्त्यावरच गंभीर अवस्थेत कोसळले.

🚑 नागरिकांच्या तत्परतेमुळे बचाव

काही वेळाने परिसरातील नागरिकांनी त्यांना रस्त्यावर पडलेल्या अवस्थेत पाहिले. घटनेची माहिती समजताच घटनास्थळी नागरिकांची मोठी गर्दी जमली. सुदैवाने त्या वेळी लोक उपस्थित असल्यामुळे रस्त्यावर पडून असलेल्या भोई यांना एखाद्या बस किंवा चारचाकी वाहनाखाली येऊन अपघात होण्यापासून थोडक्यात बचाव झाला.

त्यानंतर नागरिकांनी तत्परता दाखवत जखमी ज्ञानेश्वर भोई यांना तातडीने उपचारासाठी जवळच्या दवाखान्यात हलविले.

⚠️ भरदिवसा हल्ल्यामुळे परिसरात भीतीचे वातावरण

या घटनेमुळे वरणगाव परिसरातील कायदा व सुव्यवस्थेचा प्रश्न ऐरणीवर आला आहे. भरदिवसा अशा प्रकारे ज्येष्ठ नागरिकावर हल्ला झाल्याने नागरिकांमध्ये संताप आणि भीतीचे वातावरण निर्माण झाले आहे.

स्थानिक नागरिकांच्या मते, अलीकडच्या काळात परिसरात गुन्हेगारीच्या घटना वाढताना दिसत आहेत. त्यामुळे अशा प्रकारच्या घटनांमुळे सर्वसामान्य नागरिकांमध्ये असुरक्षिततेची भावना वाढत आहे.

👮 आरोपीला तातडीने अटक करण्याची मागणी

या घटनेनंतर प्रशासनाने तातडीने दखल घेऊन हल्लेखोराचा शोध लावावा आणि त्याच्यावर कठोर व गंभीर कारवाई करावी, अशी मागणी नागरिकांकडून जोर धरत आहे.

तसेच पोलिस प्रशासनाने परिसरात गस्त वाढवून कायदा व सुव्यवस्था अधिक कडक करावी, अशीही मागणी स्थानिकांकडून करण्यात आली आहे. वेळेत कठोर कारवाई झाल्यास भविष्यात अशा प्रकारच्या घटना टाळता येतील आणि नागरिकांमध्ये सुरक्षिततेची भावना निर्माण होईल, असेही नागरिकांचे म्हणणे आहे.

📢 दरम्यान, या घटनेमुळे वरणगाव परिसरात खळबळ उडाली असून पोलिसांनी आरोपीचा शोध सुरू केल्याची माहिती मिळत आहे.

व