🏛️💰 करवाढ नाही! पाचोरा नगरपालिकेचा २१०.३२ कोटींचा शिलकी अंदाजपत्रक मंजूर

SARDAR NETWORK 24×7 – DAINIK LATEST NEWS (सच आपकी जुबानी) पाचोरा तालुका प्रतिनिधी : ✍️ आबा सूर्यवंशी

📍 पाचोरा : पाचोरा नगरपरिषदेने आर्थिक वर्ष २०२६–२०२७ साठी कोणतीही करवाढ न करता २१० कोटी ३२ लाख रुपयांचे शिलकी अंदाजपत्रक सादर करून मंजूर केले. शुक्रवारी (दि. २७) नगरपरिषदेच्या विशेष सभेत हे अंदाजपत्रक मांडण्यात आले. सभेने ८ लाख रुपयांच्या शिलकीचे अंदाजपत्रक मंजूर केले असून नागरिकांना दिलासा देणारा हा निर्णय मानला जात आहे.

नगरपालिकेच्या उत्पन्नात वाढ होण्याच्या दृष्टीने अनावश्यक खर्चावर नियंत्रण, खर्चात काटकसर आणि स्वयंपूर्णतेकडे वाटचाल करण्यासाठी विविध उपाययोजना करण्यात आल्याचे यावेळी स्पष्ट करण्यात आले.

🚧 शहर विकासासाठी मोठे प्रकल्प

पाचोरा शहराच्या सर्वांगीण विकासासाठी येत्या आर्थिक वर्षात राज्य शासनाच्या विविध योजनांअंतर्गत महत्वाचे प्रकल्प राबविण्यात येणार आहेत. त्यामध्ये विशेषतः –

🛣️ महाराष्ट्र राज्यस्तर नगरोत्थान महाअभियान योजना (रस्ते प्रकल्प)

🚰 महाराष्ट्र राज्यस्तर नगरोत्थान महाअभियान योजना (भुयार गटार योजना)

💧 अमृत २.० प्रकल्प

या योजनांमुळे शहरातील पायाभूत सुविधा अधिक सक्षम होऊन नागरिकांना मोठा दिलासा मिळणार असल्याचे सांगण्यात आले.

📊 मुख्याधिकाऱ्यांच्या मार्गदर्शनाखाली अंदाजपत्रक सादर

या विशेष सभेच्या अध्यक्षस्थानी नगराध्यक्षा सुनिता किशोरआप्पा पाटील होत्या. मुख्याधिकारी मंगेश देवरे यांच्या मार्गदर्शनाखाली लेखाधिकारी अमोल कुमावत यांनी अंदाजपत्रकाचे सविस्तर सादरीकरण केले.

👥 मान्यवरांची उपस्थिती

यावेळी उपनगराध्यक्ष किशोर बारवकर, शिवसेना गटनेता सुमीत किशोर पाटील, भाजप गटनेता सूरज वाघ, सभापती सतीश चेडे, प्रवीण ब्राह्मणे, रेहमान तडवी, प्रियंका पाटील, मीनाक्षी एरंडे तसेच सर्व नगरसेवक-नगरसेविका, अधिकारी आणि कर्मचारी उपस्थित होते.

📌 करवाढ न करता विकासकामांना चालना देणारे हे अंदाजपत्रक पाचोरा शहराच्या विकासासाठी महत्त्वाचे पाऊल मानले जात आहे.