🚨📄 “तहसील कार्यालयात ५–६ महिन्यांपासून ऍफेडिवेट बंद?” 🔍⚖️

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️📍 | इम्रान खान

भुसावळ तहसील कार्यालयात मागील पाच ते सहा महिन्यांपासून अॅफिडेव्हिट (प्रतिज्ञापत्र) करून देण्याची प्रक्रिया बंद असल्याचा गंभीर आरोप करत सामाजिक तथा माहिती अधिकार कार्यकर्ते केदारनाथ वामन सानप (रा. हुडको कॉलनी, भुसावळ) यांनी मा. जिल्हाधिकारी जळगाव यांच्याकडे लेखी तक्रार दाखल केली आहे.

या प्रकरणामुळे नागरिकांची गैरसोय होत असून संबंधितांवर कारवाई करण्याची मागणी तक्रारीत करण्यात आली आहे.

📌 काय आहे प्रकरण?

तक्रारीनुसार, सानप हे साक्षीदाराचे प्रतिज्ञापत्र करण्यासाठी भुसावळ तहसील कार्यालयात गेले असता त्यांना अॅफिडेव्हिट करून देण्यास नकार देण्यात आला.

त्यावेळी निवासी नायब तहसीलदार श्री. घुले मॅडम यांनी शासन परिपत्रकामुळे प्रतिज्ञापत्र करून देता येणार नसल्याचे सांगितल्याचा उल्लेख अर्जात करण्यात आला आहे.

मात्र, सदर शासन परिपत्रकाचा चुकीचा अर्थ लावून नागरिकांची दिशाभूल केली जात असून, लोकांना विनाकारण त्रास दिला जात असल्याचा आरोप अर्जदाराने केला आहे.

🗓️ जिल्हाधिकाऱ्यांकडे चौकशीची मागणी

दि. २२ फेब्रुवारी २०२६ रोजी सादर करण्यात आलेल्या तक्रारीत सानप यांनी जिल्हाधिकारी कार्यालय, जळगाव येथे सविस्तर निवेदन देत —

संपूर्ण प्रकरणाची चौकशी करण्यात यावी
संबंधित अधिकारी/कर्मचाऱ्यांना योग्य ते आदेश देण्यात यावेत
झालेल्या कारवाईची प्रत माहितीस्तव देण्यात यावी
अशी मागणी केली आहे.

⚖️ नागरिकांमध्ये नाराजी

अॅफिडेव्हिट ही प्रक्रिया विविध शासकीय व कायदेशीर कामांसाठी अत्यंत महत्त्वाची असते. तहसील कार्यालयातून ही सेवा बंद असल्यास सर्वसामान्य नागरिकांना मोठ्या अडचणींना सामोरे जावे लागते.

या पार्श्वभूमीवर जिल्हाधिकाऱ्यांकडून कोणती भूमिका घेतली जाते आणि चौकशीतून काय निष्पन्न होते, याकडे नागरिकांचे लक्ष लागले आहे.

📰 (Dainik Latest News – जनतेच्या प्रश्नांना आवाज देणारे व्यासपीठ)