🔥 पाचोर्‍यात काँग्रेसला मोठा धक्का! 🔥

SARDAR NETWORK 24×7 – DAINIK LATEST NEWS (सच आपकी जुबानी) पाचोरा तालुका प्रतिनिधी : ✍️📍 – आबा सूर्यवंशी

पाचोरा तालुक्याच्या राजकीय क्षेत्रात मोठी उलथापालथ घडली असून काँग्रेस पक्षाला मोठा धक्का बसला आहे. पाचोरा काँग्रेसचे शहराध्यक्ष ॲड. अमजद पठाण यांनी शेकडो कार्यकर्त्यांसह शिवसेनेत प्रवेश केला. हा प्रवेश सोहळा शिवसेना कार्यालयात उत्साहात पार पडला.

कार्यसम्राट आमदार Kishor Appa Patil यांच्या नेतृत्वावर विश्वास व्यक्त करत हा निर्णय घेतल्याचे ॲड. पठाण यांनी स्पष्ट केले.

⚖️ सामाजिक व राजकीय क्षेत्रातील ओळख

मुळचे तारखेडा (ता. पाचोरा) येथील रहिवासी असलेले ॲड. अमजद पठाण हे जिल्ह्यात सामाजिक व राजकीय क्षेत्रात तसेच वकील म्हणून नावलौकिक असलेले व्यक्तिमत्त्व आहे. ग्रामीण भागाशी घट्ट नाळ जुळलेली असल्याने ते सर्व समाजघटकांत परिचित चेहरा मानले जातात.

मागील पाच वर्षांत त्यांनी Indian National Congress पक्षाचे शहराध्यक्ष म्हणून तसेच विविध शासकीय समित्यांवर पदे भूषवित जनहिताची कामे केली आहेत.

🗣️ “जबाबदारी प्रामाणिकपणे पार पाडणार”

शिवसेनेत प्रवेश केल्यानंतर ॲड. पठाण यांनी सांगितले की,

“पक्ष नेतृत्व व आमदार जी कोणतीही जबाबदारी देतील, ती प्रामाणिकपणे पार पाडण्याचा प्रयत्न करीन. ग्रामीण भागात पक्ष अधिक मजबूत करण्यासाठी काम करणार आहे.”

तसेच तालुक्यातील मुस्लिम समाजाच्या उत्कर्षासाठी विविध शासकीय योजनांद्वारे आमदार किशोर आप्पा पाटील सकारात्मक योगदान देतील, अशी अपेक्षाही त्यांनी व्यक्त केली.

👥 मान्यवरांची उपस्थिती

या प्रवेश सोहळ्यास सभापती, नगरसेवक गणेश पाटील, तालुका शिवसेना प्रमुख राजेंद्र पाटील, सुमित सावंत, डॉ. आलम देशमुख, आर.आर. पाटील, सुनिल पाटील (वाघ गुरूजी), किरन निकम, आदिल देशमुख, फ़हीम नासीर खान, आकीब सर, अकबर खान, राजू शेख (मेंबर), मुस्तफा खान, अकबर युसुफ खान, नदीम शेख, अल्ताफ खान, डॉ. शकुर पठाण, अँड. जुबेर पठाण, अखलाक पठाण आदी पदाधिकारी व कार्यकर्ते उपस्थित होते.

📌 तालुक्यात राजकीय समीकरणे बदलणार?

ॲड. अमजद पठाण यांच्या शिवसेना प्रवेशामुळे पाचोरा तालुक्यातील राजकीय समीकरणांवर परिणाम होण्याची शक्यता वर्तवली जात आहे. काँग्रेसमधील या मोठ्या ‘खिंडारामुळे’ आगामी स्थानिक राजकारणात चुरस वाढण्याची चिन्हे दिसत आहेत.
पाचोर्‍यातील या राजकीय घडामोडीकडे संपूर्ण जिल्ह्याचे लक्ष लागले आहे.