🟡🔵 भुसावळ तालुका कार्यकारिणी जाहीर! शिलरत्न बुद्ध विहारात भारतीय बौद्ध महासभेची बैठक उत्साहात 🙏📜

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️📍 – इम्रान खान

भुसावळ येथील शिलरत्न बुद्ध विहारात आज (दि. १४/०२/२०२६) जिल्हाध्यक्ष सुमंगल तथा रविंद्र अहिरे यांच्या अध्यक्षतेखाली पार पडलेल्या बैठकीत भुसावळ तालुका कार्यकारिणीची अधिकृत घोषणा करण्यात आली. खेळीमेळीच्या वातावरणात झालेल्या या बैठकीत नवनिर्वाचित पदाधिकाऱ्यांवर शुभेच्छांचा वर्षाव करण्यात आला.

🌼 बुद्ध व डॉ. आंबेडकरांना अभिवादन

बैठकीची सुरुवात तथागत भगवान बुद्ध व भारतरत्न डॉ. बाबासाहेब आंबेडकर यांच्या प्रतिमेस पुष्प अर्पण करून करण्यात आली. तसेच माता भिमाई रामजी सपकाळे यांची जयंती साजरी करण्यात आली. त्यानंतर वंदना घेऊन कार्यक्रमास प्रारंभ झाला.

👥 मान्यवरांची उपस्थिती

या बैठकीस महिला राज्य संघटक लताताई तायडे, जिल्हा सरचिटणीस सुशीलकुमार हिवाळे, जिल्हा उपाध्यक्ष प्रकाश सरदार, स्वरक्षण विभागाचे उपाध्यक्ष मेजर रमेश साळवे, संघटक ए. टी. सुरळकर, जिल्हा पर्यटन सचिव वसंतदादा लोखंडे, जिल्हा संघटक उत्तम सुरवाडे, हिशोब तपासनीस पंडित सपकाळे यांच्यासह अनेक मान्यवर उपस्थित होते.

सूत्रसंचालन सुशीलकुमार हिवाळे यांनी केले. उपस्थित सर्व मान्यवरांचा सत्कार करण्यात आला.

📌 भुसावळ तालुका कार्यकारिणीची घोषणा

संस्थेच्या नियमांनुसार पुढीलप्रमाणे पदनियुक्ती जाहीर करण्यात आली –

🔹 तालुका अध्यक्ष: बौद्धाचार्य राजेश भाऊराव आव्हाड
🔹 सरचिटणीस: आनंदमित्र सपकाळे
🔹 कोषाध्यक्ष: बौद्धाचार्य संभाजी सोमा सोनवणे
🔹 संस्कार विभाग उपाध्यक्ष: नितीन बोदडे
🔹 संरक्षण विभाग उपाध्यक्ष: चंद्रकांत वाघ
🔹 पर्यटन व प्रचार उपाध्यक्ष: एस. पी. जोहरे
🔹 हिशोब तपासनीस: अरुण दादा तायडे
🔹 तालुका संस्कार सचिव: सुरेंद्र हिवाळे
🔹 तालुका संघटक: श्रावण साळुंखे. 🔹 तसेच संरक्षण विभाग सचिव व इतर पदांचीही घोषणा करण्यात आली.

🌱 ग्रामीण भागात ग्राम शाखा उभारणीचा संकल्प

नवनिर्वाचित अध्यक्ष व सरचिटणीस यांनी भुसावळ तालुक्यातील ग्रामीण भागात ग्राम शाखा निर्माण करून श्रामनेर शिबिरे, महिला शिबिरे तसेच संस्थेने निर्देशित केलेली २४ प्रकारची शिबिरे आयोजित करण्याचे आश्वासन दिले.

भारतीय बौद्ध महासभा जळगाव जिल्ह्याच्या वतीने नवनिर्वाचित पदाधिकाऱ्यांचे बुके देऊन स्वागत करण्यात आले.

🙏 आभार प्रदर्शन

कार्यक्रमाच्या शेवटी भुसावळ विभागाचे जिल्हा संघटक उत्तम सुरवाडे यांनी उपस्थितांचे आभार मानले.

📲 भुसावळ व जळगाव जिल्ह्यातील सामाजिक घडामोडींसाठी वाचा – Dainik Latest News