🧓 ✨ प्रभाग क्रमांक 20 मध्ये ज्येष्ठ नागरिकांसाठी विशेष शिबिर संपन्न

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️📍 इम्रान खान

प्रभाग क्रमांक 20 मध्ये ज्येष्ठ नागरिकांच्या कल्याणासाठी एक विशेष शिबिर उत्साहात पार पडले. नगरसेविका सौ. सीमा प्रशांत नरवाडे यांच्या पुढाकारातून आणि तहसील कार्यालयाच्या माध्यमातून आयोजित करण्यात आलेल्या या शिबिराला नागरिकांचा उत्स्फूर्त प्रतिसाद लाभला.

या प्रसंगी नायब तहसीलदार सौ. प्रीती लुटे मॅडम यांनी ज्येष्ठ नागरिकांसाठी शासनाच्या विविध योजनांची सविस्तर माहिती दिली. त्यांनी उपस्थितांच्या शंकांचे निरसन करून योजनांचा लाभ कसा घ्यावा याबाबत मार्गदर्शन केले. यामुळे ज्येष्ठ नागरिकांना थेट शासकीय अधिकाऱ्यांशी संवाद साधण्याची संधी मिळाली.

कार्यक्रमात प्रतिष्ठा महिला मंडळाच्या अध्यक्षा सौ. रजनीताई संजय सावकारे यांनी देखील मोलाचे मार्गदर्शन करताना ज्येष्ठ नागरिक, विधवा महिला व अपंग महिलांसाठी अधिकाधिक सुविधा उपलब्ध करून देण्याची मागणी केली. त्यांनी शिबिराचे सुंदर आयोजन केल्याबद्दल नगरसेविका सौ. सीमा नरवाडे यांचे कौतुक करत आभार व्यक्त केले.

या शिबिरात भा.ज.पा. शहर सचिव सौ. वंदना सोनार, भा.ज.पा. एससी सेल शहराध्यक्ष रवींद्र दाभाडे, अश्विन नरवाडे, गौतम नगर आंबेडकर जयंती उत्सव समितीचे अध्यक्ष महेंद्र हिवराळे, पंडित दाभाडे यांच्यासह अनेक मान्यवर उपस्थित होते.

प्रभागातील शंभरहून अधिक ज्येष्ठ नागरिकांनी शिबिरात सहभाग नोंदवत विविध योजनांचा लाभ घेतला. उपस्थित नागरिकांचे अर्ज व फॉर्म तात्काळ भरून घेण्यात आले, ज्यामुळे प्रशासनाकडून त्वरित कार्यवाहीची प्रक्रिया सुरू होणार आहे.

कार्यक्रमाचे सूत्रसंचालन विवेक नरवाडे व भाजपा शहर सरचिटणीस जयंत माहुरकर यांनी केले, तर आभार प्रदर्शन प्रा. प्रशांत नरवाडे सर यांनी केले.

या उपक्रमामुळे प्रभाग क्रमांक 20 मधील ज्येष्ठ नागरिकांना शासन योजनांचा लाभ थेट त्यांच्या परिसरात उपलब्ध झाला असून, नागरिकांनी या शिबिराचे स्वागत केले आहे.