🎉👩‍🎓 एम. आय. तेली इंग्लिश मिडियम स्कूलमध्ये ‘आनंद मेळावा’ उत्साहात संपन्न

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️| इम्रान खान

एम. आय. तेली इंग्लिश मिडियम स्कूल, आयन कॉलनी, खडका, भुसावळ येथे विद्यार्थ्यांच्या सर्वांगीण विकासाला चालना देणारा ‘आनंद मेळावा’ मोठ्या उत्साहात व आनंदी वातावरणात पार पडला. या कार्यक्रमामुळे शाळा परिसरात उत्सवाचे स्वरूप निर्माण झाले होते. 🎊😊

या प्रसंगी शाळेचे संस्थापक हाजी मुन्ना इब्राहिम तेली, संस्थेचे पदाधिकारी अय्युब, साबीर, सु. लेमान तडवी, आशिक, रहीमोद्दीन, वाजिद, तसेच शाळेच्या मुख्याध्यापिका शगुफ्ता शेख यांची प्रमुख उपस्थिती होती.
कार्यक्रमाचे उद्घाटन शाळेतील जेष्ठ महिला पालकांच्या हस्ते करण्यात आले, ही बाब उपस्थितांसाठी विशेष आकर्षण ठरली. 🙏🌸

या आनंद मेळाव्यात शाळेतील विद्यार्थी व महिला पालकांनी मोठ्या संख्येने सक्रिय सहभाग नोंदवला. विद्यार्थ्यांनी स्वतः तयार केलेल्या घरगुती खाद्यपदार्थांचे विविध स्टॉल्स सजवून सादर केले. या माध्यमातून विद्यार्थ्यांनी ‘कमवा व शिका’ या उपयुक्त संकल्पनेचा प्रत्यक्ष अनुभव घेतला. यामुळे विद्यार्थ्यांमध्ये उद्योजकता, आत्मविश्वास, जबाबदारीची जाणीव तसेच सामाजिक भावना रुजल्याचे पाहायला मिळाले. 🍛💡

मेळाव्यात विविध खेळ, मनोरंजनाचे उपक्रम आणि आकर्षक स्टॉल्स यांचा विद्यार्थी, शिक्षक व पालकांनी मनमुराद आनंद घेतला. शाळेचे संस्थापक, मुख्याध्यापिका, शिक्षकवृंद तसेच पालकांनी विद्यार्थ्यांच्या उपक्रमशीलतेचे भरभरून कौतुक करत त्यांच्या कलागुणांना प्रोत्साहन दिले. 👏🌟

विद्यार्थ्यांच्या कल्पकतेला व मेहनतीला मिळालेल्या प्रतिसादामुळे संपूर्ण कार्यक्रम आनंदी आणि प्रेरणादायी ठरला. अशा प्रकारे एम. आय. तेली इंग्लिश मिडियम स्कूलचा ‘आनंद मेळावा’ हा उपक्रम यशस्वीरित्या व उत्साहात पार पडला, अशी प्रतिक्रिया उपस्थितांनी व्यक्त केली. 🎈✨