🏃‍♀️🏆 वरणगाव रनमध्ये भुसावळचा डंका! BSARA च्या एकता भगत, सायली बेंडाळे, पुष्पा तिवारी व विश्वनाथ पावरा विजेते

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका,वरणगाव प्रतिनिधी : ✍️ इम्रान खान

वरणगाव सिव्हिल सोसायटीच्या वतीने आयोजित करण्यात आलेल्या “रन फॉर वरणगाव” या क्रीडा स्पर्धेत भुसावळ स्पोर्ट्स अँड रनर्स असोसिएशन (BSARA) च्या तब्बल ६० धावपटूंनी उत्स्फूर्त सहभाग नोंदवून उत्कृष्ट कामगिरी करत भुसावळचे नाव उज्ज्वल केले.

या स्पर्धेत विविध वयोगटांतील धावपटूंनी सहभाग घेतला होता. विशेष म्हणजे महिलांनी व पुरुषांनीही आपल्या दमदार कामगिरीने व्यासपीठावर भुसावळचे वर्चस्व सिद्ध केले. 💪🏽🏃‍♂️🏃‍♀️

१० किमी महिलांच्या गटात
🥇 एकता भगत यांनी प्रथम क्रमांक पटकावला, तर
🥈 सायली बेंडाळे यांनी द्वितीय क्रमांक मिळवला.

५ किमी महिलांच्या गटात
🥈 पुष्पा तिवारी यांनी द्वितीय क्रमांक मिळवून यश संपादन केले.

५ किमी पुरुषांच्या गटात
🥈 विश्वनाथ पावरा यांनी द्वितीय क्रमांक पटकावत संघाच्या यशात भर घातली.

विजेते धावपटू मान्यवरांच्या हस्ते बक्षिसे स्वीकारत असताना BSARA च्या इतर धावपटूंनी जोरदार जल्लोष करत विजेत्यांचे अभिनंदन केले, ज्यामुळे संपूर्ण वातावरण उत्साहाने भारून गेले होते. 🎊👏

या वेळी व्यासपीठावर वरणगाव सिव्हिल सोसायटीतर्फे या रनचे सदिच्छादूत डॉ. चारुलता पाटील व गणसिंग पाटील, तसेच भुसावळ स्पोर्ट्स अँड रनर्स असोसिएशनच्या उपाध्यक्षा डॉ. नीलिमा नेहेते यांनाही इतर मान्यवरांसह विशेष आमंत्रित करण्यात आले होते. आपल्या सहकारी धावपटूंच्याच हस्ते पुरस्कार स्वीकारण्याचा आनंद अवर्णनीय असल्याची भावना विजयी धावपटूंनी यावेळी व्यक्त केली. 🏅😊

असोसिएशनच्या धावपटूंच्या या उल्लेखनीय यशाबद्दल सर्वत्र कौतुक होत असून, संस्थेचे अध्यक्ष प्रा. प्रविण फालक यांच्या मार्गदर्शनाखाली BSARA चे खेळाडू सातत्याने राज्य व राष्ट्रीय स्तरावर आपली छाप पाडत आहेत, असे गौरवोद्गार काढले जात आहेत.

या यशाबद्दल सर्व विजेत्या व सहभागी धावपटूंना हार्दिक अभिनंदन करत संघाच्या भविष्यातील वाटचालीस शुभेच्छा देण्यात येत असल्याचे संस्थेचे सचिव प्रविण पाटील यांनी सांगितले. 🌟🏃‍♂️

भुसावळ स्पोर्ट्स अँड रनर्स असोसिएशनच्या या कामगिरीमुळे शहरातील धावसंस्कृतीला नवे बळ मिळत असून, युवक-युवतींना आरोग्यदायी जीवनशैलीकडे वळण्यासाठी प्रेरणा मिळत आहे. 💚✨