🚨 ब्रेकिंग न्यूज 🚨🍽️☠️ भुसावळ ZRTI प्रशिक्षण केंद्रात अन्नातून विषबाधेचा संशय; 70 ते 100 विद्यार्थ्यांना त्रास

SARDAR NETWORK 24×7 – DAINIK LATEST NEWS (सच आपकी जुबानी)

भुसावळ शहरातील ZRTI (Zonal Railway Training Institute) येथील प्रशिक्षण केंद्रात धक्कादायक घटना समोर आली असून, रात्रीचे जेवण व सकाळचा नाश्ता केल्यानंतर अंदाजे 70 ते 100 विद्यार्थ्यांना अचानक त्रास होऊ लागल्याचा प्राथमिक अंदाज व्यक्त करण्यात येत आहे. अन्नातून विषबाधा (फूड पॉयझनिंग) झाल्याचा संशय व्यक्त केला जात आहे.

मिळालेल्या प्राथमिक माहितीनुसार, जेवणानंतर अनेक विद्यार्थ्यांना उलटी, मळमळ, चक्कर येणे, पोटदुखी अशा तक्रारी जाणवू लागल्या. प्रकृती बिघडताच काही विद्यार्थ्यांना तातडीने भुसावळ येथील रेल्वे हॉस्पिटलमध्ये दाखल तसेच काही विद्यार्थी खाजगी रुग्णालयात दाखल करण्यात आले, तर काहींना प्राथमिक उपचार देण्यात आले.

🏥 रेल्वे हॉस्पिटलचे CMS (Chief Medical Superintendent) आणि संबंधित रेल्वे अधिकारी याबाबत अधिकृत माहिती देणार असल्याचे सांगण्यात येत आहे. सध्या सर्व बाधित विद्यार्थ्यांची वैद्यकीय तपासणी सुरू असून परिस्थिती नियंत्रणात आणण्याचे प्रयत्न सुरू आहेत.

🍛 प्रशिक्षण केंद्रातील स्वयंपाकघर, अन्नसाठा आणि पाणीपुरवठा यांची तपासणी करण्याचे आदेश देण्यात आल्याची माहिती आहे. घटनेमुळे प्रशिक्षण केंद्रात एकच खळबळ उडाली असून, विद्यार्थ्यांमध्ये भीतीचे वातावरण पसरले आहे.

🔍 सदर घटनेची सखोल चौकशी होणार असून दोषींवर कारवाई होणार का, याकडे सर्वांचे लक्ष लागले आहे. अधिकृत माहिती आणि वैद्यकीय अहवालानंतरच नेमके कारण स्पष्ट होणार आहे.

📌 या घटनेबाबत अधिकृत माहिती मिळताच पुढील अपडेट देण्यात येईल.