🛍️📢 जागतिक ग्राहक दिनानिमित्त थोरगव्हाण येथे ग्राहक जागृती व्याख्यान 🛍️📢

SARDAR NETWORK 24×7 – DAINIK LATEST NEWS (सच आपकी जुबानी) रावेर तालुका प्रतिनिधी | शकील शेख (थोरगव्हाण)

जागतिक ग्राहक दिन (१५ मार्च) निमित्ताने थोरगव्हाण येथील डी. एस. देशमुख माध्यमिक व उच्च माध्यमिक विद्यालयात ग्राहक जागृती विषयक व्याख्यानाचे आयोजन करण्यात आले. या कार्यक्रमाच्या माध्यमातून विद्यार्थ्यांना ग्राहक हक्क, कर्तव्ये आणि डिजिटल व्यवहारांमध्ये घ्यावयाची काळजी याबाबत सविस्तर मार्गदर्शन करण्यात आले.

कार्यक्रमाची सुरुवात ग्राहक पंचायत महाराष्ट्र या चळवळीचे प्रणेते ग्राहकतीर्थ नानासाहेब बिंदू माधव जोशी यांच्या प्रतिमेचे पूजन करून करण्यात आली. कार्यक्रमाचे अध्यक्षस्थान विद्यालयाचे मुख्याध्यापक डी. के. पाटील यांनी भूषविले.

📚 ग्राहक हक्कांची विद्यार्थ्यांना माहिती

कार्यक्रमाचे प्रास्ताविक करताना कला शिक्षक एस. बी. सपकाळे यांनी जागतिक ग्राहक दिनाचे महत्त्व स्पष्ट करत विद्यार्थ्यांना ग्राहक हा बाजारव्यवस्थेचा केंद्रबिंदू असल्याचे सांगितले. प्रत्येकाने आपले ग्राहक हक्क आणि कर्तव्ये जाणून घेणे आवश्यक असल्याचे त्यांनी नमूद केले.

आजच्या डिजिटल व्यवहारांच्या युगात ऑनलाइन खरेदी करताना सावधगिरी बाळगणे, वस्तू खरेदी करताना बिल घेणे तसेच प्रमाणित व दर्जेदार वस्तूंची निवड करणे अत्यंत महत्त्वाचे असल्याचेही त्यांनी विद्यार्थ्यांना सांगितले. जागरूक ग्राहक बनल्यास समाजातील फसवणूक आणि गैरव्यवहार कमी होण्यास मदत होते, असेही त्यांनी स्पष्ट केले.

🗣️ मुख्याध्यापकांचे मार्गदर्शन

आपल्या मार्गदर्शनपर भाषणात मुख्याध्यापकडी. के. पाटील यांनी यावर्षीच्या“सुरक्षित उत्पादने व आत्मविश्वासू ग्राहक” या आशयसूत्रावर आधारित मार्गदर्शन करत विद्यार्थ्यांना ग्राहक संरक्षण कायद्याची माहिती दिली.

ग्राहक म्हणून प्रत्येकाने जागरूक राहणे आवश्यक असून खरेदी करताना बिल घेणे, वस्तूची गुणवत्ता तपासणे तसेच फसवणूक झाल्यास ग्राहक संरक्षण कायद्याअंतर्गत तक्रार करण्याचा अधिकार असल्याचे त्यांनी सांगितले. जागरूक ग्राहकच समाजाला योग्य दिशा देऊ शकतो, असेही त्यांनी नमूद केले.

👥 शिक्षक व विद्यार्थ्यांची उपस्थिती

यावेळी वाय. जे. कुरकुरे यांनीही मनोगत व्यक्त केले. कार्यक्रमाचे सूत्रसंचालन एस. बी. सपकाळे यांनी केले.

या कार्यक्रमाला निलेश देशमुख, एस. बी. सपकाळे, वाय. जे. कुरकुरे, क्रीडा शिक्षक जे. ए. चौधरी, नयना ज्ञानेश्वर पाटील, के. एम. पाटील, एस. पी. पाटील, योगिता संजय झोपे, महेश्वरी महेश झोपे यांच्यासह विद्यालयातील सर्व शिक्षक व विद्यार्थी मोठ्या संख्येने उपस्थित होते.

या उपक्रमामुळे विद्यार्थ्यांमध्ये ग्राहक जागृती निर्माण होऊन जबाबदार व जागरूक ग्राहक बनण्याची प्रेरणा मिळाली, अशी भावना उपस्थितांनी व्यक्त केली. ✨