📰 श्रीमती के. डी. पाटील इंग्लिश मीडियम स्कूलमध्ये क्रीडा सप्ताह उत्साहात साजरा 🏆⚽

SARDAR NETWORK 24×7 – DAINIK LATEST NEWS (सच आपकी जुबानी) एरंडोल | प्रतिनिधी राजधर महाजन

यशवंतराव शिक्षण प्रसारक मंडळ संचलित श्रीमती के. डी. पाटील इंग्लिश मीडियम स्कूल येथे विद्यार्थ्यांच्या सर्वांगीण विकासाला चालना देण्यासाठी क्रीडा सप्ताह उत्साहात साजरा करण्यात आला. विद्यार्थ्यांमध्ये शारीरिक तंदुरुस्ती, सांघिक भावना तसेच क्रीडास्पर्धेची आवड निर्माण करण्याच्या उद्देशाने विविध क्रीडा स्पर्धांचे आयोजन करण्यात आले होते. 🎽🤸‍♂️

या क्रीडा सप्ताहात लंगडी जंप, थ्रो बॉल, लिंबू-चमचा, धावणे (रनिंग), लांब उडी, क्रिकेट, खो-खो, कॅरम आदी विविध स्पर्धांमध्ये विद्यार्थ्यांनी उत्स्फूर्त सहभाग नोंदविला. स्पर्धांदरम्यान विद्यार्थ्यांनी उत्कृष्ट शिस्त, कौशल्य व खेळाडूवृत्तीचे दर्शन घडविले. 🏃‍♀️🏏

कार्यक्रमाच्या अध्यक्षस्थानी अमितदादा पाटील होते, तर प्रमुख पाहुणे म्हणून प्रा. सोपान साळुंखे, प्रा. संजीव कुमार आणि आनंदराव पाटील यांची उपस्थिती लाभली. मान्यवरांच्या हस्ते विविध स्पर्धांतील विजेत्या विद्यार्थ्यांना 🥇 मेडल व प्रमाणपत्रांचे वितरण करण्यात आले. 📜🎖️

कार्यक्रमाचे सूत्रसंचालन शिक्षिका प्रिती बियाणी यांनी केले, तर आभार प्रदर्शन किरण महाजन सर यांनी केले. यावेळी शाळेचे प्राचार्य दीनानाथ पाटील, शेखर पाटील, तसेच शिक्षक व शिक्षकेतर कर्मचारी मोठ्या संख्येने उपस्थित होते. 👨‍🏫👩‍🏫

क्रीडा सप्ताहामुळे विद्यार्थ्यांमध्ये आत्मविश्वास, संघभावना व खेळाडूवृत्ती वृद्धिंगत झाल्याचे समाधान व्यक्त करण्यात आले. 🌟🎯