📚✨ वरणगाव–तळवेल केंद्रांची संयुक्त शिक्षण परिषद उत्साहात ✨📚

SARDAR NETWORK 24×7 – DAINIK LATEST NEWS (सच आपकी जुबानी) 📍 भुसावळ तालुका | प्रतिनिधी – इम्रान खान

जिल्हा शिक्षण व प्रशिक्षण संस्था, जळगाव यांच्या मार्गदर्शनाखाली दर महिन्याप्रमाणे आयोजित करण्यात येणारी शिक्षण परिषद यावेळी वरणगाव व तळवेल केंद्राच्या संयुक्त विद्यमाने मोठ्या उत्साहात पार पडली. वरणगाव केंद्रातील जिल्हा परिषद प्राथमिक शाळा काहुरखेडे व तळवेल केंद्रातील जिल्हा परिषद प्राथमिक शाळा पिंपळगाव खुर्द यांच्या संयुक्त पुढाकारातून सिद्धेश्वर नगर, वरणगाव येथील शाळेत या परिषदेचे आयोजन करण्यात आले होते.

🌸 उद्घाटन समारंभ उत्साहात

परिषदेच्या अध्यक्षस्थानी केंद्रप्रमुख Rajesh Patil उपस्थित होते. कार्यक्रमाची सुरुवात माता सावित्रीबाई फुले व सरस्वती माता यांच्या प्रतिमेला पुष्पहार अर्पण करून करण्यात आली.

केंद्रप्रमुख राजेश पाटील, मुख्याध्यापक अनिल देशपांडे, मुख्याध्यापिका उज्वला सुरवाडे, वंदना पाटील, उपशिक्षक अशोक तायडे व गुणवंत पाटील यांच्या हस्ते उद्घाटन संपन्न झाले.

🎓 विविध शैक्षणिक विषयांवर मार्गदर्शन

परिषदेदरम्यान शिक्षकांना अध्यापन पद्धती, नियोजन व गुणवत्तापूर्ण शिक्षण याबाबत सखोल मार्गदर्शन करण्यात आले.

🔹 अध्ययन-अध्यापन साहित्य व प्रश्ननिर्मिती या विषयावर उपशिक्षक अशोक तायडे यांनी मार्गदर्शन केले.

🔹 “माझा वर्ग माझे नियोजन” या विषयावर तळवेल शाळेचे उपशिक्षक उमेश कोल्हे यांनी प्रभावी सादरीकरण केले.

🔹 पायाभूत अध्ययन सर्वेक्षण यावर उपशिक्षिका सौ. रेखा चौधरी यांनी सविस्तर माहिती दिली.

🔹 स्थानिक पातळीवरील विषयांच्या अध्यापनाबाबत टहाकळी येथील उपशिक्षिका दिपाली भंगाळे यांनी मार्गदर्शन केले.

📊 शैक्षणिक कामकाजाचा आढावा

कार्यक्रमाच्या शेवटी केंद्रप्रमुख राजेश पाटील यांनी सर्व शाळांच्या शैक्षणिक व शासकीय कामकाजाचा आढावा घेत मार्गदर्शक सूचना दिल्या. शिक्षकांनी विद्यार्थ्यांच्या सर्वांगीण विकासासाठी नवनवीन उपक्रम राबवावेत, असे आवाहन त्यांनी केले.

🎤 सूत्रसंचालन व आभार

या शिक्षण परिषदेचे सूत्रसंचालन काहुरखेडे शाळेतील उपशिक्षक समाधान जाधव यांनी केले, तर आभार प्रदर्शन पिंपळगाव खुर्द येथील उपशिक्षिका सविता चंद्रिकापुरे यांनी केले.

👏 यशस्वी आयोजनासाठी विशेष परिश्रम

कार्यक्रमाच्या यशस्वी आयोजनासाठी सिद्धेश्वर नगर येथील मुख्याध्यापक अनिल देशपांडे यांनी विशेष परिश्रम घेतले. तसेच काहुरखेडे शाळेच्या मुख्याध्यापिका उज्वला सुरवाडे, ममता तडवी व पिंपळगाव खुर्द शाळेच्या मुख्याध्यापिका वंदना पाटील तसेच उपशिक्षिका सविता चंद्रिकापुरे यांनी नियोजनपूर्वक तयारी करून परिषद यशस्वीरित्या पार पाडली.

या कार्याबद्दल दोन्ही केंद्रांतील शिक्षक-शिक्षिकांनी आयोजकांचे विशेष कौतुक केले.

🌟 गुणवत्तापूर्ण शिक्षणासाठी शिक्षकांचा सातत्यपूर्ण प्रयत्नच विद्यार्थ्यांच्या उज्ज्वल भविष्यासाठी मार्गदर्शक ठरत आहे, असे या शिक्षण परिषदेने अधोरेखित केले.