🏆📚 उसामा उर्दू हायस्कूलमध्ये गुणवंत विद्यार्थ्यांचा सन्मान

SARDAR NETWORK 24×7 – DAINIK LATEST NEWS (सच आपकी जुबानी) भुसावळ तालुका प्रतिनिधी : ✍️ इम्रान खान

उसामा उर्दू हायस्कूल व ज्युनिअर कॉलेज, भुसावळ येथे वार्षिक पुरस्कार वितरण समारंभ मोठ्या उत्साहात व प्रेरणादायी वातावरणात पार पडला. शैक्षणिक वर्षात अध्ययन, क्रीडा तसेच चित्रकला स्पर्धांमध्ये उल्लेखनीय कामगिरी करणाऱ्या १०० हून अधिक विद्यार्थ्यांना यावेळी मान्यवरांच्या हस्ते पुरस्कार देऊन सन्मानित करण्यात आले. 🏅👏

या कार्यक्रमाच्या अध्यक्षस्थानी श्रीमती रुकैय्या अब्दुल रऊफ खान होत्या. तर भुसावळ नगरपालिकेचे शिक्षण सभापती राजेंद्र आवटे हे प्रमुख अतिथी म्हणून उपस्थित होते. व्यासपीठावर इंजिनियर राजेश चंद्रा, संस्थाध्यक्ष उसामा अब्दुल रऊफ खान, मुख्याध्यापक सैयद नावेद तसेच पृथ्वी पाटील यांच्यासह अन्य मान्यवर उपस्थित होते. 🎤🎓

प्रमुख अतिथी राजेंद्र आवटे यांनी आपल्या भाषणात संस्थेच्या शैक्षणिक दर्जाचे विशेष कौतुक करत स्त्री शिक्षणावर भर दिला.
“मुलींचे शिक्षण म्हणजे संपूर्ण समाजाची प्रगती आहे,” असे प्रतिपादन करत त्यांनी भविष्यात संस्थेला सर्वतोपरी सहकार्य करण्याचे आश्वासन दिले. 👧📖

कार्यक्रमाच्या अध्यक्षा रुकैय्या खान यांनी शिक्षण हे केवळ पुस्तकी ज्ञानापुरते मर्यादित नसून जीवन जगण्याची कला आणि समाजाच्या विकासाचा मार्ग असल्याचे स्पष्ट केले. विद्यार्थिनींच्या नैतिक व चारित्र्य विकासावरही त्यांनी विशेष भर दिला. 🌱✨

संस्थाध्यक्ष उसामा अब्दुल रऊफ खान यांनी विद्यार्थ्यांना सातत्य, मेहनत आणि वेळेचे महत्त्व ओळखण्याचा मोलाचा सल्ला दिला. 🎯⏳

कार्यक्रमाची सुरुवात विद्यार्थी हसन शेख फारूक यांच्या पवित्र कुराण पठणाने, तर अब्दुल मतीन यांच्या नात-ए-पाकने झाली.
कार्यक्रमाचे प्रभावी व साहित्यिक शैलीतील सूत्रसंचालन नासिर हुसेन यांनी केले. 🎙️📜

समारोपप्रसंगी नावेद खान यांनी कार्यक्रमाची प्रस्तावना मांडली, तर जफर यांनी उपस्थित मान्यवर, पालक व माध्यम प्रतिनिधींचे आभार मानले. 🙏🌸

गुणवंत विद्यार्थ्यांचा सन्मान आणि मार्गदर्शनपर भाषणांमुळे हा कार्यक्रम विद्यार्थ्यांसाठी प्रेरणादायी व संस्मरणीय ठरला. 🌟📘