🎓🌟 “संस्कार, भाषा आणि राष्ट्रभावना यांचा संगम!” 🎓🌟

SARDAR NETWORK 24×7 – DAINIK LATEST NEWS (सच आपकी जुबानी) 📍 पाचोरा तालुका प्रतिनिधी : आबा सूर्यवंशी

पाचोरा शहरातील तात्यासाहेब आर. ओ. पाटील नगर येथे असलेल्या निर्मल इंटरनॅशनल स्कूलच्या पूर्व प्राथमिक विभागाचे ५ वे चिमुकल्यांचे वार्षिक स्नेहसंमेलन मंगळवार, दिनांक २४ फेब्रुवारी रोजी सायंकाळी सात वाजता मोठ्या उत्साहात आणि सांस्कृतिक जल्लोषात पार पडले. चिमुकल्यांच्या निरागस सादरीकरणाने आणि संस्कारपूर्ण वातावरणाने कार्यक्रमाला विशेष उंची प्राप्त झाली.

कार्यक्रमाची सुरुवात सरस्वती पूजनाने तसेच संस्थेचे आद्य संस्थापक कृषिरत्न स्व. तात्यासाहेब आर. ओ. पाटील यांच्या प्रतिमेला पुष्पहार अर्पण करून करण्यात आली. यावेळी श्रीमती कमलताई पाटील, संस्थेच्या अध्यक्षा वैशालीताई नरेंद्रसिंह सूर्यवंशी, सचिव नरेंद्रसिंह सूर्यवंशी, माजी नगरसेविका सौ. सुचेताताई वाघ, भडगाव तहसीलदार शीतल सोलट, गट शिक्षण अधिकारी विजय पवार, प्राचार्य गणेश राजपूत यांच्यासह अनेक मान्यवर उपस्थित होते.

🗣️“संस्कारक्षम, सुशिक्षित आणि राष्ट्राभिमानी पिढी घडविणे हेच आमचे ध्येय” – वैशालीताई सूर्यवंशी

यावेळी बोलताना संस्थेच्या अध्यक्षा वैशालीताई सूर्यवंशी यांनी सांगितले की, शेतीशी नाळ असलेले कृषीतज्ञ, भूमिपुत्र व माजी आमदार तात्यासाहेब आर. ओ. पाटील यांनी पंधरा वर्षांपूर्वी या शिक्षण संस्थेची स्थापना केली. त्यांच्या स्वप्नातील आदर्श, सुसंस्कारित आणि देशसेवेची भावना जपणारी भावी पिढी घडविण्यासाठी संस्था अहोरात्र कार्यरत आहे.

विद्यार्थ्यांना मायबोली मराठी, राष्ट्रीय भाषा हिंदी आणि जागतिक स्तरावर इंग्रजीचे दर्जेदार शिक्षण देणे काळाची गरज असल्याचे त्यांनी नमूद केले. त्याचबरोबर जीवनात शिस्त, वरिष्ठांचा सन्मान, जन्मभूमी व कर्मभूमीशी नाते आणि अन्नदाता शेतकऱ्याबद्दल कृतज्ञता जोपासणे आवश्यक असल्याचे त्यांनी स्पष्ट केले.

सोशल मीडियाच्या युगात लहान मुलांच्या हातात मोबाईलऐवजी खडू देणे ही मोठी जबाबदारी असल्याचे सांगत, “दोन वर्षांच्या वयात शिस्त लावली तर ती आयुष्यभर टिकते; वीस वर्षांनंतर शिस्त लावणे कठीण होते,” असे त्यांनी ठामपणे नमूद केले. शाळा आणि घर ही विद्यार्थ्यांच्या जीवनातील दोन महत्त्वाची चाके असून दोघांनीही जबाबदारी पार पाडली पाहिजे, असेही त्या म्हणाल्या.

🎭 सांस्कृतिक कार्यक्रमात समाजप्रबोधनाचा संदेश

या स्नेहसंमेलनात विद्यार्थ्यांनी मराठी, हिंदी, पंजाबी आणि कोळी गीतांवर नृत्य सादर करून सांस्कृतिक विविधतेचे दर्शन घडविले. समाजाभिमुख आणि प्रबोधनात्मक विषयांवर आधारित नृत्याविष्कारांनी उपस्थितांची दाद मिळविली.

कार्यक्रमातील विशेष आकर्षणे –. ✨ स्व. सिनेअभिनेते धर्मेंद्र यांच्या जीवनपटाचे गीत-नृत्यातून सादरीकरण. 🏏 महिला क्रिकेटपटूंनी जिंकलेल्या विश्वचषकाचा नृत्याविष्कार
🇮🇳 क्रीडा, संस्कार आणि देशभक्तीचा सुरेख संगम
चिमुकल्यांच्या आत्मविश्वासपूर्ण सादरीकरणातून त्यांची कल्पनाशक्ती, संस्कार आणि कलागुणांचा उत्कृष्ट ताळमेळ पाहायला मिळाला.

🏫 शिक्षण क्षेत्रात नावलौकिक

निर्मल इंटरनॅशनल स्कूलने अल्पावधीतच पाचोरा शहरात शिक्षण क्षेत्रात नावलौकिक प्राप्त केला आहे. संस्था शिक्षणाच्या माध्यमातून अर्थकारण किंवा राजकारण न पाहता, संस्कारसंपन्न आणि राष्ट्राभिमानी पिढी घडविण्यावर भर देत असल्याचे स्पष्ट दिसून येते.

🤝 कार्यक्रम यशस्वीतेसाठी सर्वांचे परिश्रम

स्नेहसंमेलन यशस्वी करण्यासाठी जनसंपर्क अधिकारी प्राचार्य आय. बी. सिंग, उपप्राचार्य प्रदीप सोनवणे, शिक्षक नंदकुमार पाटील, समन्वयक स्नेहल पाटील, पूर्व प्राथमिक विभाग प्रमुख फरीदा भारमल, सौ. वर्षा पाटील तसेच सर्व शिक्षक, शिक्षिका व कर्मचाऱ्यांनी परिश्रम घेतले.

🌟 नन्ह्या विद्यार्थ्यांच्या निरागस हास्याने, सांस्कृतिक सादरीकरणांनी आणि राष्ट्रभावनेने सजलेले हे स्नेहसंमेलन पाचोरा शहरात विशेष चर्चेचा विषय ठरले.