🪖🚦 रस्ता सुरक्षा महिन्यात एनएक्सटी इन्फ्राकडून नागरिकांसाठी हेल्मेट वाटप उपक्रम

SARDAR NETWORK 24×7 – DAINIK LATEST NEWS (सच आपकी जुबानी) तालुका प्रतिनिधी : ✍️ इम्रान खान

रस्ता सुरक्षा महिना सुरू असताना वाढत्या अपघातांच्या पार्श्वभूमीवर नागरिकांमध्ये जनजागृती निर्माण व्हावी व दुचाकी चालकांच्या सुरक्षिततेस प्राधान्य मिळावे, या उद्देशाने एनएक्सटी इन्फ्रा प्रा. लि. यांच्या वतीने भुसावळ–नाशिराबाद परिसरात हेल्मेट वाटप कार्यक्रमाचे आयोजन करण्यात आले.

या उपक्रमात रस्त्यावरील दुचाकी चालकांना थांबवून त्यांना मोफत हेल्मेटचे वितरण करण्यात आले तसेच वाहन चालविताना हेल्मेट वापरण्याचे महत्त्व समजावून सांगण्यात आले. वाढत्या अपघातांचे प्रमाण लक्षात घेता, अशा उपक्रमांद्वारे नागरिकांमध्ये सुरक्षिततेबाबत जागरूकता निर्माण करणे अत्यंत आवश्यक असल्याचे यावेळी अधोरेखित करण्यात आले.

या कार्यक्रमास नाशिराबाद पोलीस ठाण्याच्या पोलीस उपनिरीक्षक योगिता प्रमुख पाहुण्या म्हणून उपस्थित होत्या. त्यांच्या समवेत पोलीस कर्मचारीही उपस्थित होते. योगिता मॅडम यांनी नागरिकांना संबोधित करताना सांगितले की, “हेल्मेट हे केवळ कायद्याचे पालन नाही, तर स्वतःच्या जीवाचे संरक्षण आहे. प्रत्येक दुचाकीस्वाराने हेल्मेटचा नियमित वापर करावा.”

एनएक्सटी इन्फ्रा प्रा. लि. कडून या उपक्रमात
🔹 सुरक्षा अधिकारी शेख शोएब,
🔹 उपव्यवस्थापक पायल बुधवानी,
🔹 देखभाल व्यवस्थापक अंकित दुबे,
🔹 कंत्राटदार व्यवस्थापक सतेंद्र सिंह,
तसेच टोल इन्सिडेंट मॅनेजमेंट टीम सक्रिय सहभाग नोंदवला.

कार्यक्रमाच्या माध्यमातून रस्ता सुरक्षेबाबत जनजागृती करत “अपघातमुक्त रस्ते – सुरक्षित नागरिक” हा संदेश देण्यात आला. नागरिकांनीही या उपक्रमाचे स्वागत करत आयोजकांचे आभार मानले.
🚦🛵 रस्ता सुरक्षा ही प्रत्येकाची जबाबदारी आहे — हेल्मेट वापरा, नियम पाळा आणि सुरक्षित रहा!